*O Facho apresenta: Reptos de Galiza, o Actual Contexto Político umha confêrencia debate dentro do ciclo intitulado Repensar Galiza

Redacción 16 de marzo 2006 O Professor e Deputado polo Bloque no Parlamento de Madrid, Francisco Rodrigues Sánchez falará convidado polo Facho hoje quinta-feira (joves), dia 16 de Março. O acto celebra-se as oito (8) do serão numha das salas da Fundaçom Paideia, sita na Praça de Maria Pita da cidade d’A Corunha.

Francisco Rodrigues Sánchez nasceu em Ferrol (Serantes) o 22 de novembro de 1945, É catedrático de Língua e Literatura, e Doutor em Filologia Românica. É autor dumha ampla serie de investigações, ensaios e estúdios de índole linguística, literária e política, sempre desde umha perspectiva nacionalista.

Estudou as carreiras de Historia e Filologia Românica (secçom de Hispânicas) na Universidade de Madrid, licenciando-se na segunda em 1967. Em 1968 ganha as aposições de agregado de Língua e Literatura Espanholas de bacharelato, exerce a docência em Albacete (1969-71) e em Ourense (1971-73), onde foi expedientado. Em 1973 ganhou as aposições a catedrático de instituto, ocupando a praça em Cangas (1974-76), durante o curso 1975-76 se solidariza com a folga dos professores interinos (sem praça) polo que foi desterrado a Puerto Real (Cádiz), trabalha logo em Carvalho (1976-79), Estrada (1985), e em Ferrol (1995). É autor de diversas obras, trabalhos e artigos, relacionados com a realidade galega desde um compromisso com a sua terra. Foi impulsor fundamental da criaçom e dinamizaçom de organizações sindicais e políticas como INTG e BNG. Secretario Geral da Uniom do Povo Galego, Membro da Permanente do Bloque Nacionalista Galego e do Conselho Nacional do BNG. Foi membro do Parlamento Galego e actualmente é deputado nas Cortes Espanholas, como membro do Bloque Nacionalista Galego.

Obra:

1973: A evoluçom ideológica de Curros Enriques
1976: Conflito linguístico e ideologia em Galiza
1978: Problemática nacional e colonialismo, o caso galego (com Ramón López-Suevos)
1988: Análise sociológica da obra de Rosália de Castro
1990: Literatura galega contemporânea. Problemas de método e interpretaçom
1993: Eduardo Blanco-Amor. O desacougo da naçom negada

Voltar a novas

Ver anteriores