*Josep Antoni Durán i Lleida analizará os contidos do Estatuto catalán nos encontros do Club Internacional de Prensa

Redacción 15 de marzo 2006 O secretario xeral de CiU –Convergència i Unió- e deputado voceiro do Grupo Parlamentario Catalán, Josep Antoni Durán i Lleida ofrecerá hoxe mércores 15 de marzo ás 20:00 horas, unha Conferencia que analizará Os Contenidos do Estatuto de Cataluña. O catedrático de Ciencias Políticas da Universidade de Santiago de Compostela, Xosé Luis Barreiro Rivas, será o encargado de presentar ao político catalán. A conferencia enmárcase no espazo Os Encontros do Club, creado polo Club Internacional de Prensa de Galiza –da Secretaría Xeral de Comunicación da Xunta de Galiza- para xerar debate e reflexión sobre aqueles temas que atinxen á vida social do país.

Josép Antoni Durán i Lleida é licenciado en Dereito e foi profesor na Facultade de Dereito de Lleida. Ingresou en Unió Democrática de Cataluña no ano 1974 e desde entón ocupou diferentes postos no partido até que no ano 1987 foi elixido presidente, cargo que ostenta na actualidade. No ano 1976, Durán i Lleida abriu un despacho de abogados que dirixíu ata 1997.

Ademais, foi deputado no Congreso polacoalición Convergencia i Unió durante as lexislaturas do 82, 86 e 89. Desde as eleccións de outubro de 1999 é deputado ó Parlamento de Cataluña e en decembro de 2001 foi nomeado secretario xeral da federación de Convergència i Unió. Desde marzo de 2004 é deputado portavoz do Grupo Parlamentario Catalán (CiU) no Congreso dos Deputados, e presidente da Comisión de Asuntos Exteriores.

Voltar a novas

Ver anteriores