|
Publicidade
Contacto
Novas
Internacional
Anteriores
Opinión
Foro
Arquivo
Ligazóns |
*O BNG denuncia que a conexión de alta velocidade Vigo-Porto non estará operativa antes do 2015
Redacción 14 de setembro de 2006 Os nacionalistas piden que se inclúa esta liña na lista de eixos ferroviarios prioritarios.
Os datos que manexa a Comisión Europea sobre a Rede Euroea de Transportes prevén que o AVE Madrid-Lisboa entre en funcionamento en 2013, mentres que a liña Lisboa-Porto non estará en 2015. En consecuencia, a conexión entre Galiza e Portugal, a través da liña Vigo Porto non poderá estar operativa antes dese ano, segundo Ana Miranda, portavoz do BNG ante o Parlamento Europeo.
Miranda considera que a política das redes europeas “non debe obviar a Galiza como territorio transfronteirizo, garantindo a interoperabilidade para compensar a súa situación periférica. Polo tanto, o BNG solicitará que o AVE Vigo-Porto sexa incluído na lista de proxectos prioritarios quick start –como xa o está a liña Madrid-Lisboa-Porto- e demandará que o Estado español presione na mesma dirección. Dese xeito, garantiríase financiamento europeo através dos fondos estruturais e de cohesión.
Através do deputado de Galeuscat Josu Ortuondo, o BNG presentará preguntas parlamentares e enmendas ao respecto na comisión de transporte da Eurocámara, encargada de revisar estes proxectos.
Voltar a novas
Ver
anteriores
|
|