*O Estatuto proposto polo BNG propón que o goberno galego asuma competencias en materia de cooperación internacional

Redacción 14 de marzo 2006 A cooperación exterior foi o tema principal da reunión institucional que mantivo unha delegación do BNG, da que formaban parte Bieito Lobeira, Roberto Mera e Cecilia Pérez Orxe, co presidente e o secretario da Coordenadora Galega de ONGs para o Desenvolvemento, Xosé M. Torres Bouza e Fidel Martín Rocha. Segundo o texto elaborado polo BNG “os poderes públicos galegos exercerán, en cooperación co Estado, as competencias en materia de cooperación internacional ao desenvolvemento”.

Pola súa banda, os representantes da coordenadora amosaron especial interese en que o novo Estatuto defina o papel de Galiza no mundo en materia de cooperación ao desenvolvemento.

A maiores, os representantes nacionalistas convidaron á coodenadora a comparecer ante a comisión parlamentaria que elabore o Estatuto, como veñen facendo con distintas organizacións sociais. A acollida desta proposta foi “moi positiva”, segundo Bieito Lobeira.

Voltar a novas

Ver anteriores