*ADEGA solicita do Concello de Ribadeo, da Dirección Xeral de Urbanismo, da Dirección Xeral de Recursos Mariños e da Consellaría de Meio Ambiente a paralización das obras da piscifactoría de Rinlo (outra vez)

Redacción 14 de marzo 2006 Con data de 3 de Xaneiro, a Dirección Xeral de Conservación da Natureza nun informe de aclaración das medidas correctoras recollidas na Declaración de Impacto Ambiental (do que ADEGA xa denunciara que parecía feito á medida, para que os Sr. Alvárez-Cascos poidera solicitar do Xulgado o levantamento da paralización cautelar) dispón que “as obras deberán contar coas autorizacións sectoriais que correspondan”.

Por outra parte, dito informe vén a introducir unhas modificacions no proxecto que a calquera outro veciño, -en aplicación da lexislación vixente-, lle terían obrigado á tramitar a modificación do correspondente proxecto sectorial, a modificación da licenza municipal e máis a autorización para a ocupación da zona de servidume do dominio público marítimo-terrestre.

É por isto que, por parte de ADEGA, en aplicación dunha lexislación vixente que ten que aplicarse a todos por igual, veñen de solicitar, -en cadaseu escrito dirixido á Consellería de Meio Ambiente, á Dirección Xeral de Urbanismo, a Dirección Xeral de Recursos Mariños e á Alcaldía de Ribadeo-, a tramitación por parte de ACUINOR, S.L. das preceptivas modificacións

-da licenza municipal otorgada pola Xunta de Goberno de Ribadeo con data do 29 de Xullo do 2005;

-do correspondente proxecto sectorial, aprobado en reunión do Consello da Xunta do 28 de Xullo do 2005;

-da autorización de ocupación da zona de servidume de protección do dominio público marítimo-terrestre, concedida pola Delegación Provincial da Consellaría de Política Territorial.

Solicítase tamén de cada un destes organismos que se ordene a paralización das obras que o Sr. Alvárez-Cascos tén reiniciado na parcela de Rinlo entretanto non se lle autoricen as modificacións pertinentes e entretanto non poda serlle outorgada a concesión de actividade e permiso de actividade por parte da Consellaría de Pesca e asuntos marítimos.

Voltar a novas

Ver anteriores