Publicidade
Contacto
Novas
Internacional
Anteriores
Opinión
Foro
Arquivo
Ligazóns
*Galiza
defenderá as súas cores no seu debut como selección
nacional contra Uruguay
Redacción
13 de
outubro 2005 A selección
galega de fútbol debutará o 29 de Decembro nun
partido no que defenderá as súas cores fronte a
outro combinado nacional o uruguaio. Será ás 20.30 h
no Multiusos de San Lázaro, en Santiago de Compostela.
Asi
o anunciou na apresentación da camiseta oficial do equipo,
o Director Xeral para o Deporte, Santiago Domínguez
Olveira, quen asegurou que tan só falta asinar o contrato,
pero todo parece apuntar que a noticia se confirmará
deseguida.
Durante a apresentación do equipamento da
selección de Galiza, a conselleira de Cultura e Deporte,
Ánxela Bugallo, agradeceu ao equipo da empresa Revisión,
encargada do deseño da vestimenta do combinado galego, a
súa "aplicación" neste proxecto.
Bugallo
non puido reprimir o seu entusiasmo ao dicir "Por fin, xa
temos as nosas cores", ao tempo que amosou o seu desexo de
que o equipo una a toda Galiza.
Nesta mesma liña, o
Director Xeral de Deporte apuntoui que se trata dun "día
especial" ao poder apresentar a imaxe da selección
galega de fútbol e cumprir cunha iniciativa "moi
demandada" polos galegos e polo deporte do país.
Domínguez Olveira animou, ademais, a toda a afección
a acudir no día do debut.
Voltar
a novas
Ver
anteriores