|
Publicidade
Contacto
Novas
Internacional
Opinión
Arquivo
Ligazóns
Anteriores
|
*Solicitan
medidas cautelares para os encoros do Ulla e unha moratoria para
todos os aproveitamentos hidroeléctricos
Redacción,
13 de xuño
2005.
A Comisión Promotora da Iniciativa Lexislativa Popular, -da
que tamén forma parte a Plataforma para a Defensa do Alto
Ulla-, a través dun escrito enregado hoxe (e que esperan
poder entregar de novo máis adiante co aval de moitas máis
sinaturas de afectados e afectadas) e á vista da recente
sentencia do Xulgado do Contencioso de Pontevedra que a Resolución
de 23 de Abril de 2001 pola que se otorgaba a UNIÓN-FENOSA
unha concesión para a construcción de sete novos
aproveitamentos na cunca do Ulla, vén
de SOLICITAR de AUGAS DE GALICIA, da CONSELLERÍA DE MEIO
AMBIENTE e da CONSELLERÍA DE INDUSTRIA a aplicación
de medidas cautelares para os encoros do Ulla no sentido
de
a)
que se suspenda a tramitación dos expedientes actualmente
en curso referidos a tais aproveitamentos;
b)
que se ordene a paralización das obras dos encoros de Touro
e Brandariz, actualmente en construcción.
Dende esta
COMISIÓN PROMOTORA, aínda que a sentencia do Xulgado
do Contencioso de Pontevedra non sexa firme, enténdemos
que, sendo previsible que o Tribunal Superior de Xustiza de
Galicia veña a ratificar o fallo do Xulgado de Pontevedra,
é de xustiza que dende AUGAS DE GALICIA e dende a
CONSELLERÍA DE MEIO AMBIENTE se ordene esta paralización
das obras de execución e a suspensión dos
correspondentes expedientes adninistrativos porque outra cousa
sería deixar sen efecto, pola vía dos feitos
consumados, a sentencia definitiva que no seu día emita o
Tribunal Superior de Xustiza: a promoción das enerxías
renovabeis de ningunha maneira pode servir de excusa para o que,
ao fin, non é máis que un inaceptable trato de favor
cara UNIÓN-FENOSA que se tén ratificado coa
presentación de recurso por parte de Augas de Galicia
contra desta Sentencia do Xulgado de Pontevedra. Se todos somos
iguais ante a Lei, non pode permitirse que, -mentras se tén
realizado (no 2003) expediente de caducidade a un aproveitamento
hidroeléctrico que os herdeiros de García Ouro tiñan
concedido na zona de Frádegas-, se consinta que unha
concesión do 1.962 procedente dun tempo no que as
previsións enerxéticas eran moi outras e o meio
ambiente nen se valoraba poda continuar adiante a pesar deste
pronunciamento inicial dos Tribunais de Xustiza.
Por outra
parte, á vista de que a diario están a publicarse no
Diario Oficial de Galicia máis e máis solicitudes de
novos aproveitamentos hidroeléctricos, á vista de
que está pendente de transposición e de aplicación
a Directiva Marco da Auga e á vista de que, por Resolución
da presidencia de Augas de Galicia de 3 de Xuño publicada
no DOG do pasado 9 de Xuño, está prevista a
realización dun estudo para a aplicación de
dita Directiva Marco e a elaboración de novos plans
Hidrolóxicos, entendemos que é necesario proceder a
aplicación dunha moratoria á solicitude de máis
aproveitamentos hidroeléctricos ata tanto non se proceda á
transposición da Directiva Marco da Auga e á
elaboración dun novo plan hidrolóxico no que, dado o
excedente de enerxía eléctrica que xa hoxe
producimos e os graves impactos das presas nos ríos, a
producción enerxética non poda prevalecer sobre a
conservación dos ecosistemas fluviais e a calidade da
auga.
Voltar
a novas
Ver
anteriores
|
|