|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
mocidade galega con Cuba e Venezuela
Redacción
10 de outubro 2005
Os días 14 e 15 de outubro celebrase
na cidade española de Salamanca o XV Cumio
Iberoamericano de Xefes de Estado e de Goberno. Distintas
delegacións das diferentes nacións do Estado e de
Portugal acudirán para participar nunha serie de actos
internacionalistas, en defensa da soberanía dos pobos e
opostos ás agresións imperialistas, e solidarios
con Cuba e Venezuela, nacións que resisten hoxe ante
a ofensiva do imperialismo norteamericano. Continúa a
ler para saber como acudir á cita anti-imperialisata coa
delegación galega.
Desde
as organizacións convocantes remárcase que "é
de enorme importancia neste momento histórico mostrar o
noso apoio á Revolución Cubana e ao Proxecto
Bolivariano", concretado nos últimos tempos no ALBA
(Alternativa Bolivariana para América), como exemplos xa
existentes de que é posible a construción nos
pobos e no mundo dun sistema social e económico que defenda
a dignidade das persoas e dos pobos.
Tamén na
Galiza se organizou unha comitiva nacional, integrada por
distintas organizacións, que participará na
manifestación, que se prevé multitudinaria,
que percorrerá as rúas de Salamanca o día 15
de Outubro ás 19.00h, e no posterior acto
político-musical, que levará como lema "Rachando
cercos, unindo pobos", e que incluirá a
intervención de representantes das delegacións
cubana e venezolana.
Os autobuses da delegación
galega partirán de distintos pontos da Galiza [polo
momento están confirmados Compostela e Vigo] o día
15 pola mañá, e volverán ao remate das
actividades pola noite do mesmo día . O prezo para se
inscribir é de 20 € por persoa, que inclúe
desprazamento e a entrada ao acto político.
Se
queres asistir con Galiza Nova a esta importante cita
antiimperialista, podes envíar un correo electrónico
ao e-mail info@galizanova.org ou ben anotarte no telefone
981553526.
Nova
publicada no web de Galiza
Nova.
Voltar
a novas
Ver
anteriores
|
|