|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*O
BNG vota en contra da proposta de Estatut Valenciá
Redacción
10 de febreiro 2006
Rodríguez defendeu emendas
en favor do pluralismo lingüístico e criticou a
actitude de PP e PSOE nesta tramitación.
Francisco
Rodríguez e Olaia Fernández Davila opuxéronse
ao texto estatutario do País Valenciá que se votou
no Pleno da Cámara Baixa, reprochando ao PSOE e ao PP o seu
"comportamento pouco transparente".
O deputado e
a deputada do BNG no Congreso, Francisco Rodríguez e Olaia
Fernández Davila, votaron en contra do dictame sobre a
reforma do Estatut Valenciá este meiodía no Pleno da
Cámara Baixa porque é froito dunha operación
bipartidista, e que en nada favoreceu o pluralismo político.
Na
súa intervención perante o Pleno, Francisco
Rodríguez reprochou aos dous partidos maioritarios, o PP e
o PSOE o "seu comportamento pouco transparente na tramitación
deste texto no Congreso" e os acusou de "actuar de forma
desconsiderada ao non atender nengunha das demandas doutras
organizacións políticas".
O parlamentar
nacionalista afirmou que as emendas apresentadas polo BNG a este
proxecto de reforma estatutaria seguen a liña nacionalista,
son as que nos transmitiu o Bloc Nacionalista Valenciá que
non ten representación parlamentar". Unhas emendas
referidas basicamente á cuestión lingüística
e ao tema da barreira eleitoral para acadar representación
nas Cortes Valencianas.
Rodríguez explicou que
algunhas das nosas propostas peden que figure no apartado
lingüístico como idioma oficial do País
Valenciá a denominación de valenciano e non a de
idioma valenciano porque pertence a unha estrutura lingüística
común e compartida con Cataluña e Illes Balears. A
segunda cuestión que non se contemplou e que é
outros dos argumentos do BNG para posicionarse en contra da
proposta de Estatut é a referente ao teito eleitoral para
obter escano. Rodríguez reclamaba que se cambiase a
porcentaxe actual que é do 5% e se deixase no 3%. "É
fundamental posibilitar a presenza de todas as organizacións
significativas e non excluír ás forzas políticas
por non acadar o 5% no conxunto da Comunidade Autónoma".
"Por
estas razóns non podemos apoiar o texto estatutario que
saiu da Comisión Constitucional e gostarianos que se
aproveitase esta sesión para cambiar as cousas ",
rematou o parlamentar nacionalista.
Voltar
a novas
Ver
anteriores
|
|