|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*O
BNG denuncia un novo ataque a un dos seus militantes no Val Miñor
e pide a interior que esclareza a trama de especuladores que se
oculta tras as agresións
Redacción
10 de
febreiro 2006
Manuel Pereiro
Pérez foi agredido en Vincios (Gondomar) por
denunciar un aterramento ilegal e pode perder a audición
dun ouvido.
A Executiva Nacional advirte que non vai
dar un paso atrás na súa loita contra a
‘marbellización’ de Galiza. O BNG pedirá
a intervención do ministerio de Interior a través da
Subdelegación do Goberno en Pontevedra, ante a vaga de
violencia que están a sufrir os nacionalistas nos concellos
do Val Miñor.
Onte, día 9, foi agredido un
militante do BNG de Gondomar, acción violenta que vén
sumarse aos ataques ao patrimonio sufridos por David Giráldez,
portavoz nacionalista en Nigrán, e Domingos Solla, vocal na
Entidade Local de Morgadáns (Gondomar).
O
BNG demanda ao Ministerio do Interior que axilice as
investigacións conducentes a esclarecer a eventual trama de
especuladores que se oculta tras as agresións.
Manuel
Pereiro Pérez, militante do Bloque en Gondomar e
concelleiro na anterior lexislatura, foi golpeado tras interesarse
por se un aterramento na parroquia de Vincios posuía ou non
licenza municipal. Esta agresión xa foi denunciada,
incluíndo un parte de lesións que informa da posíbel
perda parcial ou total de audición nun dos
ouvidos.
Henrique Viéitez, responsábel
comarcal de Vigo, acusa aos gobernos do PP nos tres concellos do
Val Miñor (Nigrán, Gondomar e Baiona) de “deixar
de exercer as súas competencias” en materias de
urbanismo e medio ambiente, o que ocasiona que a violencia se
dirixa aos que denuncian as infraccións ante a pasividade
dos alcaldes populares. Segundo explicou Viéitez, o
responsábel do aterramento ilegal dispuña do permiso
verbal dun concelleiro do PP para realizar esta obra.
Loita
contra a “marbellización”
A
Executiva Nacional do BNG afirma que a formación
nacionalista continuará a súa loita por un urbanismo
sustentábel que respecte o medio ambiente. Os nacionalistas
galegos “non deixarán que os fagan calar” e
continuarán o seu combate contra a “marbellización”
da costa galega.
Voltar
a novas
Ver
anteriores
|
|