*Amnistia Internacional denuncia que EE.UU. detivo a 70.000 persoas fora do seu territorio

Redacción, 09 de agosto 2005 "Débese de acabar coas detencións segredas", dixo Sharon Critoph, investigadora de Amnistía Internacional. AI denunciou que unhas 70.000 persoas foron detidas por Estados Unidos fora do seu territorio e asegurou que a prisión de Guantánamo "non é máis que a punta visíbel do iceberg"

Un informe publicado pola organización humanitaria detalla o caso de Salah Nasser Salim Ali e Muhammad Faraj Ahmed Bashmilah, dous iemenís detidos durante 18 meses por EE.UU. nunha prisión segreda de Xordania.

A organización humanitaria asegura que os detidos, residentes en Indonesia, están encadeados, sen ver a luz solar e sen poder contactar con familiares ou avogados.

Ambos os dous relataron a AI que foron torturados durante catro días polos membros do servizo de intelixencia xordanos antes de ser enviados por avión a prisións subterráneas non identificadas onde permaneceron durante máis de ano e medio sen seren acusados de delicto algún.

Agora atópanse nunha prisión de Iemén, detidos polas autoridades do país, que -sempre segundo Amnistía Internacional- recoñecen que non se formularon cargos contra eles e que, polo tanto, non hai razón para que teñan que permanecer prendidos.

"Cremos que a situación de estes dous homes é só un exemplo máis das numerosas detencións segredas que están levando a cabo as autoridades estadounidenses en todo o mundo", asegurou a investigadora de Amnistía Sharon Critoph, que se entrevistou cos citados iemenís.

Na súa opinión, Washington debe de revelar a identidade de todas as persoas detidas segredamente, concretar os lugares de encarceramento e permitir unha inspección internacional nos mesmos.

"Débese de acabar coas detencións segredas, non só porque tales prácticas favorecen o recurso á tortura e ao maltrato, senon porque facer desaparecer a alguén da superficie da terra constitúe un crime contra o dereito internacional", afirmou Critoph.

Subliñou, ademais, que "os Estados que colaboran con tales violacións dos dereitos humanos fundamentais, como Xordania, Indonesia e Iemen parece que fixeron, son tamén responsábeis".

Amnistía Internacional reclama a liberación inmediata de ambos iemenís, a non ser que sexan inculpados por algunha infracción prevista pola lei e que sexan xulgados a través dun procedemento xusto.

Los datos forman parte dun informe que AI divulgou ao mesmo tempo que lanzou a "Campaña contra a Tortura e os Tratos inhumanos e degradantes" baixo o lema "un berro de protesta pode acabar con mil berros de dor".

Fonte. ADIN - Axencia Dixital de Noticias

Voltar a novas

Ver anteriores