|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*A
CIG maniféstase contraria á proposta de Solbes de
incrementar os impostos indirectos porque prexudica
fundamentalmente ás rendas máis baixas
Redacción,
09 de
agosto
2005
A Confederación
Intersindical Galega (CIG)
critica a proposta feita pública por Pedro Solbes, para a
súa aprobación nos Presupostos Xerais do estado de
2006, de incrementar os impostos indirectos, ademais de en alcol e
tabaco, en produtos tan básicos como transporte,
electricidade ou hidrocarburos, para facerlle fronte ao
financiamento da sanidade. A CIG aposta pola aplicación de
impostos directos progresivos en función das rendas, para
que paguen máis aqueles que teñen máis
ingresos.
A CIG valora a proposta de incremento dos
impostos indirectos nun 5% -por riba do IPC previsto para 2006-
como “regresiva, reaccionaria e favorecedora das rendas máis
altas”.
O
Secretario Xeral, Suso Seixo, afirma que a CIG “entende que
a Sanidade ten que financiarse a través dos Orzamentos
primando a fiscalidade dos impostos directos sobre as rendas, para
que pague máis que dispón de máis
renda”.
Pola contra a proposta de financiar o déficit
sanitario a través do consumo e non da renda grava
fundamentalmente á clase traballadora, que xa ten reducida
a súa capacidade adquisitiva e graves dificultades para
chegar a fin de mes, tal e como o constatan os diversos estudos
que ten realizado a CIG ao respecto.
Pero se xa é
grave que se pretenda incluír a posibilidade de que as
autonomías podan aplicar un recargo en imposto especial
sobre a electricidade para financiar a Sanidade, que gravaría
cada recibo da luz aplicándolle un incremento de até
un 4, 8%, máis aínda o é a intención
de desenvolver o céntimo sanitario, aplicándolle
unha carga de até 2,4% céntimos por litro de
carburante.
A este respecto, Suso Seixo afirma que “isto
provocará un incremento en cadea dos produtos máis
básicos de consumo, repercutindo nun incremento de prezos
da bolsa da compra e afectando sobre todo ás rendas máis
baixas, ou o que é o mesmo, á clase
traballadora”.
Voltar
a novas
Ver
anteriores
|
|