Publicidade
Contacto
Novas
Internacional
Anteriores
Opinión
Foro
Arquivo
Ligazóns
*A
Mesa coloca na súa web os modelos de rótulos en
galego da “lei antitabaco”, ao non ofrecelos o
Ministerio de Sanidade
Redacción
9 de
xaneiro 2006
Pídenlle
á Consellaría de Sanidade que se axilice a
confección dun modelo de rótulo propio e que se
distribúa a todos os estabelecementos afectados.
A
lei de medidas contra o tabaquismo indica que toda a sinalización
referida a esta norma non só debe estar en castelán,
senón tamén na lingua cooficial de cada comunidade
autónoma. Porén, o Ministerio de Sanidade non ofrece
ningún tipo de modelo de cartaz que respecte o disposto
nesa lei e na súa páxina web simplemente indican que
“en breve estarán disponibles en el resto de lenguas
cooficiales”. O Ministerio de Sanidade está a
dificultar así o cumprimento correcto da lei en Galiza.
Na
páxina web do Ministerio de Sanidade só se poden
consultar en galego a lona e o logo da campaña, que foron
motivo de polémica polo seu mal uso do idioma e que
afortunadamente xa están corrixidos.
Perante esta
situación, desde a páxina da Mesa
pola Normalización Lingüística pódense
baixar os rótulos en galego, que poñen tamén
á disposición do propio Ministerio de Sanidade.
De
calquera xeito, dende A Mesa son conscientes de que isto non é
máis que un parche e que a solución ten que provir
do propio Ministerio ou da Consellaría de Sanidade. A Mesa
dirixiuse a María Xosé Rubio para lle solicitar que
axilice a aprobación dunha lei autonómica cuns
modelos de rótulos propios que cumpran tanto o disposto na
norma estatal como co propio Estatuto de Autonomía, que
sinala o galego como lingua propia de Galiza e como idioma a
promover pola Administración.
Voltar
a novas
Ver
anteriores