|
Publicidade
Contacto
Novas
Internacional
Opinión
Arquivo
Ligazóns
Anteriores
|
*ADEGA
e a FEG piden ás Administracións públicas que
esixan o selo FSC nas súas compras de produtos
forestais
Redacción,
8 de xuño
2005. A Asociación para a Defensa
Ecolóxica de Galiza (ADEGA) e a Federación
Ecoloxista Galega (FEG) asinaron un manifesto xunto con outras
organizacións de axuda ao desenvolvemento, ecoloxistas,
sindicatos e asociacións de consumidores no que se demanda
ás Administracións públicas que esixan o selo
FSC nas súas compras. As Administracións públicas
españolas, grandes consumidoras de madeira e papel, non
están a demostrar preocupación polo problema da tala
ilegal e insostíbel en todo o mundo.
Segundo
estimacións do Banco Mundial, as talas ilegais e o seu
mercado asociado supoñen, aos países produtores,
perdas anuais de entre 10.000 e 15.000 millóns de dólares,
dos que entre o 4,2 e o 6,2% débense ao impacto do
consumo español, pois o 15,8% das importacións
españolas de madeira proceden de rexións onde as
talas ilegais son prácticas habituais, como por exemplo a
Amazonia.
A
inmensa maioría das Administracións públicas,
cuxas compras en madeira e papel equivalen ao 18% do consumo total
deste mercado, descoñecen a orixe destes produtos e non
contan con instrumentos para evitar que, nas súas obras e
servizos, se utilicen produtos forestais extraídos de forma
ilegal ou insostíbel. Por exemplo, na nosa terra, segundo o
Observatorio “Cidades polos bosques” de WWF/Adena,
ningún dos concellos considerados, os de máis de
20.000 habitantes, ten unha política de compra
ambientalmente responsábel.
ADEGA, a FEG e as
demais organizacións asinantes do manifesto, piden ás
Administracións públicas que tomen urxentemente
medidas consistentes no desenvolvemento e aplicación de
políticas de compra responsábel de madeira e papel
nas que se dea prioridade aos produtos certificados por sistemas
críbeis como o FSC (Consello de Administración
Forestal ou Forest Stewardship Council) e que rexeiten os
produtos cuxa orixe é ilegal, insostíbel ou
descoñecida.
As organizaciones asinantes do
manifesto achan que o selo FSC (Consello de Administración
Forestal ou Forest Stewardship Council), a diferenza do
PEFC, activamente promovido desde a Consellería de Medio
Ambiente, é un sistema de certificación
forestal que proporciona unha verificación independente e
críbel da boa xestión dos bosques comprometida coa
natureza, beneficiosa para a sociedade e economicamente
viábel.
Todo o proceso de toma de decisións
do FSC basease no equilibrio dos intereses ambientais, sociais e
económicos, por iso conta co apoio das principais
organizacións ambientalistas.
Voltar
a novas
Ver
anteriores
|
|