*O BNG aproba as candidaturas ao Parlamento galego e móstrase convencido de que o cambio galego levará a Quintana á presidencia da Xunta

Redacción, 7 de maio 2005. O Consello Nacional do BNG aprobou este serán as candidaturas ao Parlamento Galego cun 85,3 por cento de votos a favor nunha reunión na que o máximo órgao do BNG entre asembleas mostrou a súa convición de que o cambio galego levará a Quintana á presidencia da Xunta de Galiza.

As candidaturas recolleron 64 votos a favor (85,3 por cento), 6 en contra (8 por cento) e 5 abstencións (6 por cento).

Na súa intervención de clausura do Consello Nacional, o candidato do BNG á presidencia da Xunta amosou a súa convición de que a sociedade galega ollou con grande simpatía o “exercicio de democracia interna e de transparencia” feito polo BNG á hora de confeccionar as súas candidaturas. “O que facemos nós con absoluta naturalidade sería impensábel nas outras dúas forzas políticas con presenza no país”, afirmou.

En boa parte das intervencións realizadas no curso da reunión púxose en destaque a aposta feita polo BNG ao confeccionar as primeiras listas cremalleira da historia do país, así como a opción clara a favor da renovación, a modernización e o cambio, en congruencia co mandato da XI Asemblea Nacional.

Candidaturas BNG:

A CORUÑA.

1. Anxo Quintana González.

2. Ánxela Bugallo Rodríguez.

3. Carlos Aymerich Cano. Profesor titular da Faculdade de Dereito da Universidade da Coruña. Oleiros (A Coruña). Deputado do BNG no Congreso dos Deputados na pasada lexislatura. Secretario de Acción Institucional da Executiva Nacional do BNG.

4. Ana Pontón Mondelo. Santiago. Secretaria de Acción Xuvenil da Executiva Nacional do BNG. Deputada na pasada lexistatura. Licenciada en Ciencias Políticas e da Administración.

5. Fernando Blanco Parga. As Pontes. Sindicalista. Membro do Comité de Empresa de ENDESA.

6. Ana Luísa Bouza Santiago. Empregada de banca. Membro do Consello Nacional do BNG. A Coruña.

7. Pablo González Mariñas. A Coruña. Profesor Titular de Dereito Administrativo da USC. Foi voceiro e Conselleiro da Presidencia da Xunta de Galiza no Goberno tripartito.

8. Rosana Pérez Fernández. Administrativa. Portavoz do Grupo Municipal do BNG na Pobra do Caramiñal.

9. Xoán Carlos Bascuas Jardón. Santiago. Profesor Universitario. Secretario de Finanzas da Executiva Nacional do BNG.

10. Miragres Lantes Seara. Membro do Goberno Municipal de Carballo. Ensinante.

11. Manuel Antelo Pazos. Portavoz municipal en Vimianzo. Membro do Consello Nacional do BNG. Profesor de matemáticas no IES de Cee.

12. Ana Mª Vérez Gómez. Concelleira en Ferrol. Foi Presidenta da Federación de Asociacións de Pais e Nais de Alunos/as dos centros públicos de Ferrol.

13. Antonio Blanco Guerra. Veterinario. Membro do Goberno Municipal de Arzúa.

14. Mercedes Díaz Mayán. Administrativa na Confraría de Pescadores do Pindo. Membro do Goberno Municipal de Carnota.

15. Manuel González López . Economista. Consultor de Proxectos Europeos e de Cooperación Internacional. Concelleiro do BNG na Serra de Outes.

16. Dominga Brión Sanmiguel. Ribeira. Portavoz Municipal do BNG.

17. Abel López Soto. Alcalde eleito de Sada após as eleccións municipais. Orientador de secundaria.

18. Noela Otero Radío. Sanxenxo. 22 anos. Estudante de Ciencias Políticas na Universidade de Santiago de Compostela. Responsábel de Organización de Galiza Nova.

19. Xosé Emilio Vicente Caneda. Santiago de Compostela. 24 anos. Secretario Xeral de Galiza Nova. Licenciado en Ciencias da Información na especialidade de xornalismo electrónico.

20. Xulia Guntín Araújo. Profesora titular de Economía Aplicada na Faculdade de Económicas e Empresariais da Universidade de Santiago. Actualmente é coordenadora sindical da USC pola CIG. Membro do Consello Nacional do BNG.

21. Xesús Gómez Antelo. Santa Comba. Emigrado en Suíza. Secretario do SIT (Sindicato Interprofesional de Traballadores). Promotor do programa radiofónico “Galiza Hoxe” e de diversas asociacións da colectivade galega en Suíza.

22. Silvia Seixas Naia. Arteixo. Licenciada en Filosofia. Concelleira e Responsábel Local do BNG.

23. Xesús Veiga Buxán.(Santiago) Deputado do BNG na pasada lexislatura. Membro do Consello Nacional do BNG. Profesor da Faculdade de Ciencias Económicas da Universidade de Santiago.

24. (*) Pendente de definición pola Executiva Nacional.

LUGO.

1. Fernando Blanco Álvarez..

2. Mª Xosé Vega Buxán. Membro do Goberno Municipal de Monforte (Concelleira de Facenda, emprego e Réxime interior). Licenciada en Económicas pola Universidade de Santiago, profesora no IES A Pinguela de Monforte. Membro do Consello Nacional do BNG.

3. Manuel Parga Núñez. Portavoz Municipal do BNG en Burela. Membro do Consello Nacional do BNG.

4. Cristina Ferreiro López.Enfermeira no Hospital Xeral de Lugo. Sindicalista. Foi secretária da Xunta de Persoal do Complexo Xeral Calde.

5. Xosé Chorén Vázquez. Funcionario de correos. Lugo. Membro do Consello Nacional do BNG.

6. Raquel Abraira Sobrado. Lugo. 27 anos. Licenciada en Humanidades e traballadora na AS-PG. Foi Responsábel Comarcal de Galiza Nova en Lugo.

7. Xoán Carlos González Basanta Licenciado en Filosofia e profesor de Ensino Secundário. Vencellado a Nunca Máis e ao asociacionismo cultural e deportivo.

8. Mª Luz Álvarez Lastra . Membro do Goberno Municipal de Ribadeo. Ensinante.

9. Xulio Rodríguez Bermúdez . Membro da Cámara Agraria Provincial e da Executiva do Sindicato Labrego Galego. Labrego. Mondoñedo.

10. Carme Pernas Bermúdez. Licenciada en Humanidades. Portavoz Municipal do BNG en Vilalba.

11. Xosé Antón Ledo Pan. Enxeñeiro Agrónomo. Presidente da Cámara Agraria Provincial de Lugo..

12. Maruxa Bardasco Pérez. Educadora Social. Portavoz do BNG no Concello de Cervantes.

13. Xosé Paleo Rodríguez. Presidente do Comité Empresa de Alcoa e Portavoz da CIG. Foz.

14. Xosé Manuel López Trelles . Foz. Emigrante. Responsábel Local do BNG en Venezuela e membro da Irmandade Galega de Caracas.

15. Alberte X. Rodríguez Feixóo. Advogado. Deputado na pasada lexislatura. Membro do Consello Nacional do BNG. Lugo.

PONTEVEDRA

1. Carme Adán Villamarín (Vigo)

2. Bieito Lobeira Domínguez. Deputado do BNG na pasada lexislatura. Secretario de Acción Social da Executiva Nacional do BNG. Marín.

3. Carme Da Silva Méndez. Licenciada en Químicas. Tenente Alcalde delegada da área de Medio Ambiente e Accesibilidade do Goberno Municipal de Pontevedra. Vicerresponsábel Local de Pontevedra.

4. Xosé Ramón Paz Antón. Colaborador do Goberno Municipal do Porriño. Músico.

5. Modesta Riobó Dios. Membro do Goberno Municipal de Moaña. Ex Presidenta da Plataforma anti-peaxe de Rande.

6. Gonzalo Constenla Bergueiro. Portavoz Municipal do BNG na Estrada. Profesor na Universidade de Vigo.

7. Ana Miranda Paz. Responsábel da Oficina do BNG no Parlamento Europeu. Membro do Consello Nacional do BNG.

8. Roberto Fernández Lores. Traballador da banca. Portavoz Municipal do BNG en Sanxenxo. Foi Presidente do Vilalonga Club de Fútbol.

9. Cecilia Pérez Orxe. Membro do Goberno Local en Redondela e do Consello de Administración da CRTVG. Secretaria de Imaxe e Propaganda da Executiva Nacional do BNG.

10. Roberto Mera Covas. Portavoz do Grupo Municipal do BNG en Ponteareas. Membro do Consello Nacional do BNG. Estudante de Ciencias Políticas. Membro traballador nunha cooperativa agraria. Secretario da Comunidade de Montes de Arcos.

11. Mª do Carme Martínez Rodiño. Portavoz Municipal do BNG en Meis. Ensinante.

12. Uxío Benítez Fernández. Licenciado en Químicas. Xerente dunha empresa de viveiros e autónomo nunha academia de ensino. Membro do Consello Comarcal do Baixo Miño e Responsábel Local de Tomiño.

13. Ánxela Sobral González. Portavoz Municipal do BNG en Soutomaior. Profesora de Primaria.

14. Francisco Lores Mascato. Ogobre. Emigrante. Presidente da Federación de Sociedades Galegas en Arxentina.

15. Iria Aboi Ferradás. Marín. 22 anos. Estudante de Filoloxía Inglesa. Responsábel Comarcal de Galiza Nova no Morrazo e actual Responsábel Nacional de Organización dos Comités Abertos de Faculdade.

16. Francisco Verea Arxibai. Cangas. Médico no Hospital Nicolás Peña de Vigo. Membro do Consello Nacional do BNG. Responsábel Comarcal do Morrazo.

17. Carme Fidalgo Colmeiro. Portavoz municipal do BNG en Silleda. Diplomada en Maxisterio e labrega.

18. Xosé Lois Martínez Blanco. Enfermeiro. Membro do Goberno Municipal de Poio. Concelleiro Delegado de Cultura..

19. Montserrat Prado Cores. Traballadora do SERGAS. Concelleira en Cambados. Portavoz na Mancomunidade do Salnés.

20. Santiago Domínguez Olveira. Portavoz do Grupo Municipal do BNG de Vigo. Secretario de Comunicación da Executiva Nacional do BNG. Mestre e adestrador nacional de Baloncesto.Vencellado ao mundo deportivo.

21. Ana Mª Gandón Menduíña. Licenciada en Historia. Propietaria dunha Casa de Turismo Rural en Oia. Foi concelleira e membro do Goberno Municipal de Vigo.

22. Bautista Álvarez Domínguez. Dirixente histórico do nacionalismo galego desde os anos sesenta. Deputado do BNG na pasada lexislatura. Membro do Consello Nacional do BNG.

OURENSE

1. Iago Tabarés Pérez-Piñeiro.

2. Tereixa Paz Franco. Deputada Provincial do BNG e Portavoz Municipal en Barbadás. Funcionaria na Administración de Xustiza en Ourense.

3. Antucho Espinosa Suances. Farmacéutico. Responsábel Comarcal do BNG en Monterrei. Membro do Consello Nacional do BNG.

4. Teresa Devesa Graña. Profesora de Instituto de Celanova. Allariz. Vencellada ao movemento cultural.

5. Xosé Luís Doval Conde. Médico. Presidente do Colexio Médico de Ourense.

6. Marta Arribas González. Enxeñeira Técnica. Vencellada ao movemento cultural. Ourense.

7. Xosé Carballido Presas. Concelleiro en Ourense. Especialista en Política Agraria.

8. Noa Fernández Gómez. Valdeorras. Estudante de Dereito en Santiago. Responsábel Nacional da Muller de Galiza Nova.

9. Alfonso Mascuñana Bordás. Licenciado en Filosofía e profesor do Instituto Lauro Olmo do Barco. Concelleiro no Barco de Valdeorras.

10. Concha González Otero. Profesora de Matemáticas en Ourense. Sindicalista da CIG-Ensino. Secretaria da Asociación de Veciños Parque Barbaña (Ourense).

11. Bieito Seara Formoso. Portavoz Municipal do BNG en Maceda. Licenciado en Ciencias Económicas e Empresariais. Profesor no IES As Lagoas de Ourense. Xestor administrativo

12. Áurea Francisco Lorenzo. Licenciada en Historia. Concelleira en O Carballiño.

13. María Pilar Gallego Cid. Pedagoga. Concelleira de Cultura, Servizos Sociais e Participación cidadá en Allariz.

14. Alfredo Suárez Canal. Coordenador do Grupo Parlamentar do BNG na pasada lexislatura. Membro do Consello Nacional do BNG. Profesor de Matemáticas. Ourense.

Voltar a novas

Ver anteriores