*Os CAF contra o desfile militar do 29 de maio na Coruña

Redacción, 7 de maio 2005. Os Comités Abertos de Escola e Faculdade queremos poñer en coñecemento de todo o estudantado o noso posicionamento a respeito do desfile militar das forzas armadas españolas o próximo 29 de Maio na cidade da Coruña. O exército a día de hoxe non é nengún axente de Paz e é o símbolo máis claro do militarismo e a ostentación armamentística. Ademais representa determinados valores que non deberían ter cabida nas sociedades democráticas como o machismo, a homofobia, a xerarquía, a falla de sentido crítico. Ademais os exércitos perpetúan unha orde internacional inxusta, xa que as relacións entre os pobos non se estabelecen en pé de igualdade senón baixo ameazas e persuasión, e as súas intervencións militaristas disfrázanse de misións humanitarias.

Denunciamos a actitude hipócrita do PSOE xa que é exactamente a misma que a que tiña o PP cando estaba no goberno, e aínda que retirou as tropas do Iraque, non fai o mesmo coas de Afganistán e Haití e a día de hoxe os gastos para investigación militar supoñen o 27% nos orzamentos xerais do Estado 2005 para I+D, 5 veces máis que a investigación sanitaria, 22 veces máis que a investigación agraria e 33 veces máis que a oceanográfica e pesqueira fundamentais, por outra banda, para o noso país.

Por último salientar que a convocatoria deste desfile na cidade da Coruña é un acto de provocación a todas/os as/os coruñesas/es e aos galegos e galegas que participaron en contra da guerra do Iraque e mesmo rememora as agresións que recibiu a sociedade galega defendendo a democracia e en contra do golpe franquista no 1936.

Voltar a novas

Ver anteriores