|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Jorquera
pide “igualdade en dereitos e igualdade en deberes”
entre o galego e o español
Redacción
07 de febreiro 2006
A Executiva do BNG
considera “un avance positivo” que se garanta a obriga
dos traballadores das administracións públicas de
coñecer a lingua galega. Porén, segundo explicou
Francisco Jorquera, o camiño é a plena igualdade
legal de “dereitos e deberes” entre galego e español,
polo que o novo Estatuto galego debe incluír a obrigación
de coñecer o idioma propio, do mesmo xeito que a
Constitución a establece para o castelán.
De
non facerse así, estaríase lexitimando un status de
“lingua B” para o galego, segundo o coordenador
executivo do BNG. Jorquera tamén explicou que sería
incomprensible para os galegos que a nosa lingua non recibise o
mesmo trato que o idioma catalán no Estatut desta
nación.
Futuro do sector enerxético
A
Executiva Nacional tamén valorou durante a súa
reunión semanal as condicións impostas polo goberno
central para a OPA de Gas Natural sobre Endesa. Tendo en conta que
se lle obrigará a Endesa a desfacerse de varios activos,
entre eles a central das Pontes, a dirección do BNG pide
que se garanta a libre concurrencia. De momento, o goberno central
deixou intacto o acordo polo que Iberdrola se fará coa
central térmica galega despois da OPA.
Jorquera
pídelle ao goberno central que rectifique, de cara a que o
capital galego poida facerse cargo da térmica das Pontes.
En todo caso, os nacionalistas galegos actuarán en todos os
foros “para garantir que se aseguren todos os investimentos
previstos, nomeadamente nas centrais de ciclo combinado”.
A Executiva tamén louvou o traballo do conselleiro
de Industria, Fernando Blanco, en defensa dos intereses do sector
enerxético galego; asemade, amosou o seu apoio á
idea de que se amplíe a participación pública
en Reganosa.
Financiamento autonómico
O
encontro entre o conselleiro de Economía e representantes
das tres forzas políticas para preparar a reunión do
Consello de Política Fiscal e Financeira recibiu o apoio do
BNG. Jorquera quixo resaltar que “é unha conquista do
nacionalismo que as tres forzas políticas coincidamos en
criticar o actual sistema de financiamento e tamén na
necesidade de acadar a suficiencia financeira. “Esta non se
conseguirá cunha facenda central forte, senón cunha
facenda galega forte”, precisou o coordenador executivo
nacionalista.
En canto á elaboración do novo
Estatuto, o BNG defende que se invite a representantes da
sociedade civil ás reunións das comisións
parlamentarias.
Voltar
a novas
Ver
anteriores
|
|