|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Cuba
é o único país latinoamericano onde non hai
desnutrición
Redacción
06 de
febreiro 2006
Cuba é
o único país de América Latina onde non
existe desnutrición, segundo veñen de confirmar
desde a Organización de Nacións Unidas (ONU).
Así, Myrta Kaulard, representante do Programa
Mundial de Alimentación, (PMA), afirmou que só o
dous por cento dos cubanos menores de cinco anos ten algún
défice nutricional, o que é debido ademáis a
maos hábitos alimentarios, manifestou a experta.
Kaulard
repasou os proxectos que desde xaneiro de 2002 mantén esta
axencia da ONU na nación caribeña, que ten como
obxetivo mellorar a nutrición da poboación máis
vulnerábel dos territorios orientais. Os beneficiarios
desta axuda son 630 mil persoas que receben alimentos
fortificados, especialmente nenos de círculos infantís
e ensino primario, así como mulleres embarazadas e nais
lactantes.
O PMA reaccionou inmediatamente ante o paso do
furacán Dennis polo centro do país, que permitiu a
entrega de varios productos alimenticios a máis de 100 mil
persoas.
O PMA mantén como unha prioridade
erradicar a malnutrición infantil para o 2015, dentro do
marco dos obxetivos do milenio das Nacións Unidas. Cuba é
fonte de asistencia técnica e donante de alimentos,
en especial azúcar, para nacións con maiores
dificuldades. Así, desde 1996, a illa donou varios
milleiros de toneladas do producto, que distribuiron polo PMA a
países como a República Dominicana, Xamaica,
Honduras, Haití, entre outros.
A asistencia do PMA
iniciouse en 1963 cando o organismo internacional brindou
asistencia inmediata ás víctimas do furacán
Flora. A partir de entón executaronse varios proxectos de
emerxencia, cunha contribución xeral que ascende a máis
de 234 millóns de dólares.
De acordo ás
prioridades do goberno cubano, o PMA traballa para mellorar a
seguridade alimentaria da poboación, contribuíndo á
atención dos grupos máis sensíbeis dos
sectores de saúde e educación.
Fonte:
web de Galiza
Nova.
RELACIONADAS:
*Um
em cada dez latino-americanos é subnutrido
(15/08/05)
Voltar
a ArroutadaInternacional
Ir
a Novas
Ver
anteriores
|
|