*ADEGA resposta ao Estudo da USC sobre a incineración de pneumáticos

Redacción 06 de marzo 2006 O pasado Xoves, coñecíamos a través da prensa as conclusións dun estudo a cargo dun grupo de investigadores da Universidade de Santiago, dirixidos polo profesor Navaza, sobre a incineración de pneumáticos entre as que destacaban os autores tres cousas.

-unha: que cada roda permite aforrar entre 10 e 12 kg de carbón ou 7,5 litros de gasóleo;
-dúas: que as rodas son un combustíbel máis barato;
-tres: que as rodas disminúen as emisións contaminantes.

Dende a Comisión pro Residuos Mínimos do Oural estan tratando de conquerir dito estudo para poder facer unha valoración e unha crítica fundamentada, mais, a espera de recibila, queren adiantar:

Primeiro: ningún estudo dirixido polo profesor Navaza nos merece, de entrada, confianza algunha. Temos que recordar que o estudo que realizou por encargo do anterior Alcalde de Sarria, o socialista D. Claudio Garrido, para xustificar a queima de pneumáticos na fábrica do OURAL non era outra cousa, en máis dun 90%, que un puzle de recortes de documentos de Internet ensamblados, ademáis, de forma totalmente contradictoria. Cobrar por tal traballo cerca de 700 Euros non pode menos que parecer un verdadeiro timo.

Segundo: nen nós nen ninguén necesita de estudo ningún para saber que se trata dun combustible máis barato. Actualmente a coste cero, pero non tardará tempo en cobrar por levar a cabo tal incineración. Aquí radica precisamente unha das razóns do interese de COSMOS pola incineración de pneumáticos e non podemos aceptar que se nos queiran ocultar as razóns dun negocio con disfraces de pretendidos estudos científicos realizados por encargo.

Terceiro: non fai falla título ningún para saber que as emisións desta e de calquer outra incineración dependen, por unha parte, do combustible utilizado e, por outra, das condicións de combustión. E a este respecto, temos que recordar que a queima de pneumáticos na fábrica do OURAL tén lugar nunhas das peores condicións: pneumáticos troceados a entrada mesmo da saída de gases.

Cuarto: para sacar conslusións válidas sobre as emisións resultantes da queima de pneumáticos, os muestreos terán que recoller os moitos episodios de funcionamento anormal por deficiente combustión que se dan na realidade. Nestes episodios, que calquer veciño e capaz de identificar polos fumes que saen, é cando tén lugar precisamente a formación de contaminantes máis perigosos. Esta é a advertencia que vimos facendo dende o principio. Estamos convencidos e convencidas que o Tribunal Superior de Xustiza de Galiza non tardará en darnos a razón: a queima de pneumáticos é unha actividade perigosa que, dacordo coa legalidade, non pode facerse dentro dun núcleo urbano.

Última: Non pode haber razóns para poñer poñer en risco a saúde de todos nós cunha queima de pneumáticos que ben pouco representa no negocio de COSMOS. Non podemos aceptar que se queiran encubrir.

Voltar a novas

Ver anteriores