*HUMORE MÍO (Santiago de Cuba) apresenta: CINÉSICA. Mércores e xoves na Sala Nasa

Redacción, 05 de xullo 2005. Dentro do programa de intercambio cultural entre Santiago de Cuba e Santiago de Compostela, a sala NASA acolle a presentación da compañía HUMORE MIO coa súa obra CINÉSICA. Poderás desfrutar de CINÉSICA o mércores 6 e o xoves 7 deste mes, ás 22:00h. na Sala Nasa de Compostela (Cabo Sam Lourenzo 51-53) polo prezo de 6€.

O grupo xurde en 1996 e sustenta o seu traballo no xesto e no humor. Un humor de novo tipo, cunha linguaxe universal que parte do tipicamente cubano. Actúan os actores Jorge Clavet, Luis Manuel Licea e Guillermo de la Rosa.

CINÉSICA é unha obra estreada en 1998, que ten recibido numerosos premios en Cuba e que foi recoñecida pola apertura de novos horizontes para facer humor desde unha linguaxe especificamente teatral. Agora preséntase por vez primeira en Europa. Trátase dun espectáculo estructurado en escenas ou sketches, que son enfiados narrativamente para lograr a unidade do conxunto. A ironía arredor do fanatismo relixioso, político ou de outra índole subvírtese nunha cárrega de humor, facendo que o remate de cada sketch sexa o inicio do seguinte.

Voltar a novas

Ver anteriores