|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*BNG
e PSOE comezan o diálogo para dotar ao bipartito dun
programa de goberno
Redacción,
05 de xullo 2005.
As
comisións negociadoras do PSdeG-PSOE e do BNG reunidas o 4
de Xullo en Santiago, acordaron iniciar o proceso de diálogo
para formar goberno.
As
delegacións do PSdeG e do BNG pactaron o método de
traballo a desenvolver nas negociacións que constarán
de dúas partes, a conformación dun programa de bases
para levar a adiante polo novo goberno e a estrutura e organigrama
do Executivo.
Os
integrantes das comisións negociadoras decidiron escomezar
o traballo pola elaboración dun acordo programático.
Con este obxectivo cada delegación aportará un
documento de bases coa finalidade de chegar a un texto
consensuado.
Asemade, acordaron manter reunións de
forma permanente e continuada coa disposición de chegar a
un acordo de goberno o antes posíbel.
Os
representantes do PSdeG-PSOE Ricardo Varela, José Luis
Méndez Romeu e Dolores Villarino e do BNG Francisco
Jorquera, Carlos Aymerich e Ánxela Bugallo destacaron a boa
sintonía e disposición na que se están a
desenvolver estes primeiros contactos.
Voltar
a novas
Ver
anteriores
|
|