|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Once
mil visitantes e mais de trescentos espectáculos, balance
do I Salón Erótico do Atlántico
Redacción
05 de abril 2006 Máis
de 11.000 visitantes e trescentos espectáculos realizados
durante os catro días que durou o certamen foron o balance
da primeira edición do SEDA (Salón Erótico do
Atlántico) que o pasado domingo pechou as súas
portas en Fexdega.
Desde o pasado xoves Vilagarcía
converteuse na auténtica meca do erotismo, grazas a este
salón que contou coa presenza dalgunhas das principais
estrelas do cine erótico e porno do estado. Entre
elas figuras como Dora Venter, Maria Bellucci, Lena Gasol, Leticia
Bruni, Minerva, Carmen, Yuli ou Evita de Luna.
A gran
afluencia de público ao certamen, levou á
organización a ampliar o horario de peche o venres e
sábado, e tamén a incrementar o número de
espectáculos, xa que en principio estimábanse 250 e
finalmente pasouse dos 300.
Os restaurantes ubicados no
salón rexistraron durante os catro días unha
importante presenza de público, xa que moitos grupos
optaron por reservar en ambos establecementos para realizar festas
privadas ou despedidas de solteir@s.
O público
asistente ao SEDA foi maioritariamente xente nova, con idades
comprendidas entre os 19 e os 35 anos. Grupos de amigos e amigas,
ademais de parellas foron os principais visitantes do salón
que puideron contemplar as numerosas actuacións e a oferta
que se presentaba nos diferentes stands.
Segundo os datos
que puido recabar a organización, unha porcentaxe elevada
dos asistentes ao certamen procedían de distintos puntos de
Galiza e tamén do norte de Portugal.
No SEDA
estiveron representados todos os sectores que compoñen o
mundo erótico. En total medio centenar de firmas de artigos
de sex shops, audiovisual, publicacións especializadas,
moda, bibliografía, gastronomía, espectáculos...
O salón estivo organizado pola empresa galega
Planner&Proceltha, que contou para iso coa colaboración
de Conrad Son, como director artístico, que converteron a
Vilagarcía na segunda poboación do estado -despois
de Barcelona- que acolle unha iniciativa deste tipo.
Voltar
a novas
Ver
anteriores
|
|