|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Os
CAF fan responsábel ao Concello de Lugo de transformar a
Festa da Carballeira nun “macrobotellón”
Redacción
05 de abril 2006 Denuncian
trabas por parte do Concello para a súa realización
e responsábilizano do que alí aconteza. “Non
se concibe por ninguén, que por culpa do Concello, o que
era unha Festa como é debido se acabase transformando nun
“macrobotellón” sen nengún tipo de
control nen sentido”.
Os Comités Abertos de Escola e
Faculdade (CAF)
do Campus de Lugo, denuncian que o Concello de Lugo non quere que
os CAF organicen a Carballeira, e lembran que foron eles quen hai
xa 17 anos a crearon.
En
palabras do seu Responsábel de Campus, David Marcos: “O
Concello debe ter interese en ser o protagonista da festa, a nós
estivéronnos mareando un ano máis até última
hora e ao final a festa faise igual pero sen que ninguén a
organice” “Se teñen algún problema cos
CAF que o digan claramente”
Os
CAF manifestan que non é entendíbel por ninguén
que, por culpa do Concello, o que en tempos foi a Festa do Campus
se transformase nun “macrobotellón”.
Alén
fan responsábel directo ao Concello do que alí
aconteza, xa que segundo din “antes cando a organizábamos,
os CAF eran os responsábeis de que todo estivese en orde,
agora o Concello terá que asumir a súa
responsabilidade e dar conta aos veciños do que alí
pase”
Os CAF agardan que a Festa se desenvolva nun bó
ambiente e que non haxa nengún problema, xa que din que do
contrario haberá que reclamarlle ao Concello.
Por
último anuncian que teñen convocada unha rolda de
imprensa para o día despois da Carballeira (mañá
día 6) onde informarán da súa valoración
da Festa e onde darán conta polo miúdo do porqué
destas acusacións ao Concello.
Voltar
a novas
Ver
anteriores
|
|