|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
I.L.P. en defensa dos ríos, camiño do
Parlamento
Redacción
04 de
febreiro 2006
Na
tarde do xoves 2, a Comisión Promotora da Iniciativa
Lexislativa Popular en Defensa dos Ríos e representantes da
consellería de Medio Ambiente, encabezados polo seu
Secretario Xeral e Presidente de Augas de Galicia, Sr. Santiso,
mantiveron unha reunión en torno á futura
tramitación da Iniciativa Lexislativa Popular en Defensa
dos Ríos polo Parlamento e a posibilidade da súa
toma en consideración.
Por
parte da Comisión promotora empezou poñéndose
de manifesto que esta iniciativa, aínda que fora pensada
para outro cenario político, era neste momento incluso máis
oportuna que antes por canto, nun momento no que a consellería
de Medio Ambiente tén xa iniciada a revisión do Plan
Sectorial hidroeléctrico e tén comprometida a
revisión do plan Hidrolóxico de Galiza Costa e
demáis plans sectoriais, esta ILP ven a fixar as
directrices e obxectivos mínimos que debe de cumrlir toda
esa planificación hidrolóxica agora en
revisión.
Por
parte da consellería de Medio Ambiente entendimos que
compartían os principios e obxectivos desta iniciativa
Lexislativa aínda que, no contexto actual, debería
de ser completada e millorada no posterior trámite
parlamentario, comprometéndose a este respeito por parte da
Consellería, a promover fórmulas de colaboración
para que, as nosas suxestións tamén poideran estar
presentes en todo o trámite posterior caso de que a
iniciativa lexislativa fora tomada en consideración polo
Parlamento.
Noutra orde de cousas, na
semana próxima a Comisión Promotora da ILP
manteremos unha reunión co grupo palamentario Popular para
explicarlles os obxectivos e contido desta ILP e tratar de
conseguir tamén o seu apoio. Tamén agardamos manter
nesta próxima semana un encontro coa Presidenta do
Parlamento para coñecer os detalles do trámite
parlamentario e empezar xa a preparación da súa
defensa na cámara.
Voltar
a novas
Ver
anteriores
|
|