|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*A
CIG lamenta a morte en accidente laboral do traballador de
Porriño
A
Confederación
Intersindical Galega (CIG) lamenta a morte en accidente
laboral de outro traballador no Porriño, na comarca de
Vigo, e denuncia o preocupante incremento da sinistralidade en
Galiza e dos accidentes laborais con resultado de morte. Para a
CIG as causas do incremento da sinistralidade están na
precariedade laboral na que se atopan os traballadores e
traballadoras, con longas xornadas de traballo e ritmos de
produción abusivos, os cada vez maiores índices de
eventualidade no posto de traballo e a impunidade dos empresarios
cando incumpren a súa obriga de respectar a lei.
Suso
Seixo, Secretario xeral da CIG advirte da necesidade de que se
adopten “medidas drásticas para corrixir esta grave
situación” e demanda que as “administracións
estabelezan mecanismos máis rigorosos de control do
cumprimento da lexislación vixente en materia de prevención
de riscos laborais”. A CIG agarda un cambio na situación
co novo goberno, xa que até o de agora as administracións
amosaron un total desinterese polo asunto. Tal é así,
que nos orzamentos de 2005, a Xunta de Galiza, a través da
consellaría de Sanidade destinou “cero” euros,
por exemplo, a facer seguimento das enfermidades
profesionais.
Campaña
Advertindo a
gravidade da situación, a Executiva Confederal da CIG, vén
de aprobar a posta en marcha dunha campaña pública
de sensibilización social e demanda política, que
non exclúe posíbeis mobilizacións de non
poñerse en marcha as medidas máis urxentes que
demanda a central sindical.
Entre estas medidas
destacan:
Creación
de unidades básicas de atención inmediata
para primeiros auxilios e ambulancias-UVI nos polígonos
industriais, que permita a asistencia e traslado inmediato dos
accidentados/as no menor tempo; Reclamación das
competencias da Inspección de Traballo para a Xunta de
Galiza; Especialización en prevención dos
Inspectores/as por sectores de actividade e enclaves
(polígonos), asignación específica aos
sectores con máis riscos. Na suma de medios para a
fiscalización desta tarefa, habilitación dos
técnicos dos Gabinetes de Saúde Laboral da Xunta con
capacidade sancionadora; Posta en marcha do servizo de
fiscais para as iniciativas penais recollidas na Lei e
rigorosidade na aplicación desta, nos aspectos de
neglixencia e responsabilidade empresarial; Formar desde os
sindicatos a todos delegados e delegadas de prevención na
instrución de sumarios nos supostos de accidentes laborais,
na finalidade de ter informes reais para os procedementos ante a
Inspección e a Xustiza; Crear unha consciencia de
resposta inmediata por parte da clase traballadora ante un
accidente mortal, que estenda a mobilización hoxe
exclusiva no naval; Campañas constantes nos Centros de
FP, aleccionadoras na cultura de prevención e
seguridade laboral na concepción destes parámetros
como un dereito fundamental; Extensión a todos os
convenios colectivos das normas básicas de prevención
e seguridade, e creación de dispositivos normativos que
garantan a aplicación da Lei; Exercer a obriga do Sergas
para a atención e cobertura de todos aqueles casos de IT
que veñan derivados de altas indebidas ou negación
das Mutuas ante accidentes relacionados con factores do traballo;
Ampliación e actualización do catálogo de
enfermidades profesionais en todos sectores. Tamén nos
de nova implantación (automóbil) e os tradicionais
do naval, lousa, canteiras e construción; formación
a todos os traballadores e traballadoras sobre os riscos
específicos do posto de traballo, plans de evacuación
e primeiros auxilios.
Voltar
a novas
Ver
anteriores
|
|