|
Publicidade
Contacto
Novas
Internacional
Opinión
Arquivo
Ligazóns
Anteriores
|
*Quintana
di que o 19-x se elixe ou un “presidente acabado que só
sabe meter medo” ou un “presidente novo” que
plante cara a Madrid con diálogo e firmeza
Redacción,
3 de xuño
2005. “O
19 de Xuño, ninguén que leve o país no
corazón pode ficar na casa e desentenderse”. O
dilema, a “decisión vital”, ao que se enfrenta
a sociedade galega o próximo 19 de Xuño está
entre “un presidente acabado que só sabe meter medo e
que só oferece mentiras” ou un “presidente novo
para un país novo que plante
cara a Madrid con diálogo e con firmeza”. Así
o dixo esta noite, no acto de comezo de campaña, no acto de
pegada de cartaces, o candidato do Bloque Nacionalista Galego á
presidencia da Xunta de Galiza, Anxo Quintana.
Nun
mítin celebrado na Praza das Praterías, e no que foi
precedido no uso da palabra pola número 2 nacionalista ao
Parlamento Galego por A Coruña, Ánxela Bugallo, o
líder nacionalista afirmou con vehemencia que o PP “xa
forma parte dos problemas da xente”.
“O
PP non aporta solucións. O PP é o problema. O PP o
único que aporta é empanada. Ou por mellor dicer:
empanada para hoxe e fame para mañá”, afirmou
Quintana, quen dirixiu as súas críticas ao candidato
da formación conservadora: “O único recurso de
Fraga é o medo. Fraga vive do medo. E da súa man, o
PP estase a converter nunha nova Santa Compaña que só
aparece para lle meter medo á xente e para provocar falsas
alarmas”.
“Que perdan toda esperanza. A
sociedade galega é unha sociedade libre e madura e non se
vai deixar intimidar. A sociedade galega xa cambiou e o 19 de Xuño
vai consagrar a súa mudanza definitiva apoiando o cambio
galego que o BNG e eu mesmo representamos”, engadiu.
O
cambio galego chegará a Galiza o 19 de Xuño da man
do voto de “todos e todas os que sabemos que para viver
mellor é preciso un Goberno nacionalista, decente e
honesto, e un presidente nacionalista que traballe ao servizo da
xente, das súas ideas e dos seus soños”. Nesta
liña, avanzou o seu compromiso de presidir un Goberno que
ante todo “escoite á xente e dialogue coa xente”.
“Vou dirixir un Goberno próximo e comprometido co
país”.
O líder do BNG fixo un encendido
chamamento á participación da cidadanía no
proceso eleitoral: “O 19 de Xuño, ninguén que
leve o país no corazón pode ficar na casa. Ninguén
pode desentenderse. Está en xogo o futuro de Galiza. Hai
que ir a votar e hai que ir votar en galego”, afirmou e
-dirixíndose aos alí presentes e a toda a populación
através dos meios de comunicación- engadiu: “Estamos
ante un momento histórico, unha encrucillada. Galiza pode
dar un salto e equipararse de facto coas outras nacións do
Estado. Galiza ten direito á esperanza e ningún de
nós ten direito a negarlla”.
Quintana mostrou
a súa convición de que o cambio é
irreversíbel porque é un mandato dunha cidadanía
libre e madura que “quer un Goberno honesto e decente”.
“Necesitamos un Goberno que estea á altura da xente,
non un goberno que asfixie á xente”, engadiu.
Será
o BNG quen devolva “as institucións aos cidadáns”
e será o BNG porque “somos o referente da maioría
social, unha maioría que desexa que o cambio político
se escriba e se pronuncie en galego”.
Voltar
a novas
Ver
anteriores
|
|