*A Asociación de Altas Capacidades denuncia que a Consellaría de Educación se nega a reciblios

Redacción 03 de marzo 2006 Ante a negativa da Consellaría de Educación de recibir á Asociación de Altas Capacidades, formada por nais e pais de toda Galiza con fillos e fillas, na súa maioría, superdotados e superdotadas, a súa Presidenta, Dª Mª Jesús Lois Navaza, envía un comunicado que reproducimos a continuación:

Dª Mª Jesús Lois Navaza, na súa calidade de Presidenta da Asociación de Altas Capacidades (ASAC), formada por nais e pais de toda Galiza, sita na Facultade de Psicoloxía de Santiago,

DENUNCIA

que a Conselleira, non quixo recibir a Asociación de Altas Capacidades e remitiunos as distintas Direccións Xerais, sendo a súas respostas :

A Dirección Xeral de Ordenación e Calidade do Sistema Universitario de Galiza, o contacto foi por teléfono con D. José Ramón Leis Fidalgo, sendo receptivo ás nosas propostas, considerando que se podía facer moito neste campo sempre e cando fóramos nós mesmos os que tiveramos contactos coas Universidades do País e nalgún punto concreto, fose a propia Facultade quen de presentar o proxecto.

A Dirección Xeral de Ordenación e Innovación Educativa, a través de Dª María José Pérez Mariño, atendeunos o día 16 de febreiro por e-mail e sendo a súa contestación: “...comunícolle que nesta Consellería acábase de crear unha comisión coa finalidade de estudiar e abordar todos os temas relacionados cos alumnos / as con necesidades educativas especiais de calquera tipo...”

Dicir que en ningún momento se achegaron a nós para preguntarnos polos problemas cos que nos atópamos a cotío, ¿e que non temos dereito a ser escoitados?, ¿seguemos a ser ignorados pola administración coma sempre?, ¿ é que se moven polos estereotipos marcados na nosa sociedades?

Sentímonos moi agraviados polo acaecido, pois somos coñecedoras e coñecedores doutras Asociacións que sí foron recibidos para escoitar as súas problemáticas e chegando a conquerir convenios para programas educativos específicos e mesmo dándoselles cobertura nos medios de comunicación: “alumnas e alumnos de Síndrome de Down terán programas específicos “... La Voz de Galicia (10 – 11 – 2005)

Atención especializada para aquelas rapazas e rapaces que teñen problemas académicos, de xeito que a propia Consellería fala de reforzos para as alumnas e alumnos que se atopen nesta situación. La Voz de Galicia (24 – 11 – 2004). Proba de elo, é que se establecen os seguintes colexios coma experiencias piloto:

- IES Elviña

- IES Marqués de Suanzes

- IES Antonio Fraguas

- IES Piringalla

- IES Pinquela

- IES Portobello

- IES Xesús Taboada

- IES Luís Seoane

- IES Xunqueira

- IES Francisco Sanchéz

Na Voz de Galicia do día 22 de febreiro de 2006, saía na prensa que se aumentaba a porcentaxe de prazas, nas oposicións, destinada a discapacidades, de feito, que este novo curso acadará o 7%. ¿Esquécese de novo a Consellería que dentro da Educación Especial atópanse as nosas nenas e nenos?, ¿que a xente adicada a Ed. Especial sempre é para os infra dotados xa que os supra dotados “teñen moita sorte?¿cando teremos o que nos corresponde pola propia Lei? pois non pedimos nada que non se reflicte nela.

Facendo referencia a propia Lei, temos que ter en conta:

- a Orde de 27 de decembro de 2002, onde reflíctese: “...en determinadas ocasións, as necesidades educativas requiren de actuacións e recursos que dificilmente poden ofrecerse neses centros...” é por elo que ASAC intenta paliar no posíbel esas carencias, cando é algo que ten que ser feito polo propia Consellería.

Todo elo leva a facernos as seguintes preguntas:

- ¿por que non se ofrecen actuacións, recursos e intervencións nos colexios de primaria e de secundaria para estas nenas e nenos de altas capacidades?

- ¿como é que non funcionan os Departamentos de Orientación nos centros e os Equipos de Orientación Específicos?

- ¿en que punto se atopa a coordinación dos servizos educativos?

- ¿onde se garante unha actuación educativa de calidade se son as nosas nenas e nenos quen de ter un gran fracaso escolar?

- ante a dúbida dunha nena ou neno de altas capacidades, atopámonos cun rexeitamento para facerlle as probas especificas, entón ¿por que as mestras e mestres ou as orientadoras e orientadores parapétanse en que son nenas e nenos que non atenden, que son inquietas, que non cumpren as normas, que son molestas, resabidillas...? e atrévense inclusive a dicir que non se lles faga caso, que non se poden estimular... Non é máis que provocar unha desmotivación e o inicio do fracaso escolar.

- se temos a “sorte” de conquerir unha adaptación curricular, ¿en que condicións se leva a termo?, pois non podemos esquecernos da desidia, falla de información e compromiso do persoal educativo dos centros

- ¿quen leva a termo o seguimento “real “ desa adaptación curricular?. Podemos garantir, de rapaces a quen se lle mando levar a termo, con nove anos, e a día de hoxe xa na Universidade, aínda non se levou a termo

- ¿como se fai constar a flexibilización e as adaptacións curriculares nos expedientes das nosas nenas e nenos?

Gustaríanos rematar dicindo que as nosas nenas e nenos teñen unhas nais e uns pais que pagan os seus impostos, polo que teñen o dereito e a obriga de esixir que se cumpra coa lei e se teña en conta o noso Estatuto, que dí:

- Corresponde aos poderes públicos de Galiza promover as condicións para que a liberdade e a igualdade das persoas e dos grupos nos que se integran sexan reais e efectivas, remover os obstáculos que impidan ou dificulten a súa plenitude e facilitar a participación de todos os galegos na vida política, económica, cultural e social. Título Preliminar, artigo 4º.

- “É de competencia plena da Comunidade Galega a regulación e administración da ensinanza en toda a súa extensión, niveles e graos, modalidades e especialidades, no ámbito das súas competencias... e da alta inspección precisa para o seu cumprimento e garantía”. Título II das Competencias de Galicia, Capítulo I das Competencias en xeral, artigo 31.

Voltar a novas

Ver anteriores