*Bota a andar o Programa de Educación Ambiental 2006

Redacción 03 de marzo 2006 Educadores/as ambientais de Adega comezarán este venres cunha actividade sobre tóxicos da vida cotián e continuarán a semana vindeira cun roteiro pólo Sarela e unha visita a ETAP e EDAR.

O venres 03 de marzo bota a andar o Programa de Educación Ambiental do Concello de Santiago de Compostela en colaboración coa Asociación para a Defensa Ecolóxica de Galiza ADEGA.

O programa de Educación Ambiental que promoven as Concellerias de Medio Ambiente e Educación consta dun programa xeral de actividades, a realización de dous hortos escolares e un programa centrado na auga e nos rios. O programa xeral, que comeza hoxe, inclue charlas, obradoiros e saídas relacionadas con diversas temáticas ambientais, biodiversidade, resíduos, consumo e médio ambiente, etc.

Aínda que os educadores ambientais de Adega xa realizaron unha saída póla Alameda o 7 de febreiro cos alumnos do Colexio Clunny hoxe o programa comezará con forza. As vindeiras tres actividades de educación ambiental en outras tantos centro de ensino son as seguintes:

Venres 03 de marzo: No IES Antonio Fraguas as 10:30 realizárase unha charla sobre a problemática dos residuos, especialmente dos residuos tóxicos e perigosos de uso cotián. A charla seguiralle un obradoiro para a identificación destes productos e a fabricación dun limpador de fogar e/ou un ambientador sen productos perigosos para a saúde e o medio ambiente.

Lúns 06 de marzo: Os alumnos do IES Xelmirez I cara as dez da mañá realizarán un roteiro polo río Sarela dentro das actividades do programa que abranguen a auga e os rios.

Os alumnos do Xelmirez I que xá participaron o ano pasado no Proxecto Rios inspeccionarán o Sarela, elaborarán un mapa do treito a inspeccionar, faran un estudo da flora e fauna así como unha análise físico-química do río, estudo do pH e presencia de nitratos empregando o material do Proxecto Rios. Tamén farase unha actividade demostrativa de mostraxe de macroinvertebrados (como bioindicadores), para poder coñecer o estado de saúde do río Sarela

Mércores 08 de marzo: Os alumnos do IES Xelmirez II atenderán outra cuestión importante relacionada coa uso sostible da auga. Os alumnos e alumnas deste centro coñecerán o ciclo da auga da cidade de Compostela, mediante duas visitas. As dez da mañá sairán para a ETAP e logo de ver como se capta a auga que abastece a cidade visitarán, contra as doce da mañá, a EDAR na que poderán comprobar como se depuran as augas residuais.

Voltar a novas

Ver anteriores