*Brinquedia convoca a Mesa dos Birlos

Redacción 03 de marzo 2006 Brinquedia - Rede Galega do Xogo Tradicional xunto coa Federación Galega de Bolos ven de convocar a creación da Mesa dos Birlos para vindeiro sábado 4 de marzo no concello pontevedrés de Nigrán. Esta convocatória ten como obxectivo reunir ás distintas modalidades do xogo dos Birlos/Bolos existentes ao longo do país e prantexar, nun foro aberto, distintas propostas para a promoción e dinamización deste xogo/deporte tradicional.

Están convocadas entidades –ademáis de distintos pontos do Val Miñor- de Xove, Burela, Ribadeo, (A Órrea) Riotorto, Viana do Bolo e Quiroga; así como todos aqueles colectivos interesados ou que estén desenvolvendo actividades relacionadas con esta prática lúdica.

A xuntanza, que coincide co início da Liga de Bolos Celtas (competición desenvolvida na bisbarra do Val Miñor e Baixo Miño), asistirá a Delegada da Consellaría de Cultura e Deportes de Pontevedra, Marta Souto.

O lugar de celebración da Mesa dos Birlos será o Local Social e Campo de Birlos da Asociación Cultural de A CARRASCA, en Nigrán (Pontevedra), con arranxo ao seguinte programa:

11.30 h.-            Creación da Mesa dos Birlos
13.00 h.-            Exibición das distintas modalidades
16.00 h.-            Partido inicial da Liga de Bolos do Baixo Miño e Valmiñor

Voltar a novas

Ver anteriores