*O BNG listo para gobernar Galiza

Editorial, 2 de abril 2005. O sábado o BNG daba o pistoletazo de saída á precampaña para as vindeiras eleccións galegas, logo de estar presente nese primeiro mitin de precampaña podo afirmar o que reza no titulo desta editorial, o BNG está listo para gobernar Galiza. Os que acudimos o sábado á convocatoria do BNG puidemos observar a un Anxo Quintana máis respaldado que nunca. As máis de cincocentas persoas que se xuntaron no Araguaney receberon a Quintana con berros de presidente!!, presidente!!.

Até agora sempre se dixo que o BNG era á mellor opción para gobernar Galiza, sempre foi o partido coa máis alta intención de voto e o partido mellor valorado, pero tamén sempre lle faltou un apoio maioritario dos galegos e as galegas. En ningún outro dos comicios o BNG partiu dunha situación “aparentemente” tan favorábel, e digoo así entre aspas pois hai que ser prudentes. Digo favorábel baseandome no seguinte: Fraga está xa acabado coma político dia tras día el mesmo se desacredita coas súas actuacións e coas súas declacracións, o PP leva 16 anos (con este) gobernado, a xente xa quere un cambio. Por outra banda está o PSOE ao que xa se lle está rematando o chamado “efecto ZP”, e tendo en conta quen son “peixes gordos” dese partido en Galiza, (mírese Paco Vazquez co seu empeño, infinitas veces considerado ilegal polos tribunais, de castelanizar o nome d'A Coruña), por non falar da súa ipocresía, no estado que por un lado condenaban a guerra cando eran oposición e por oputro mandan tropas a Haiti e Afganistán, ou cando deciden gastar unha chea de cartos públicos en organizar un desfile militar n'A Coruña para o 29 de maio (mentres falan de “vivendas dignas” de 30 metros cadrados!)

En definitiva que as outras dúas forzas que concurren xunto co Bloque á estas esperadas eleccións galegas, fano cunha grande desventaxa. O BNG parte como segunda forza no parlamento galego cun cabeza de lista, Anxo Quintana, amplamente respaldado e lexitimado polo seu magnifico trabalo no Senado (veto aos orzamentos do estado, por non seren suficientes para Galiza, Confederación Hidrográfica do Miño-Sil, etc...). Alén diso o BNG optou pola renovación dos seus e das súas candidatos e candidatas (non así o PP-PSOE) así como unha aposta forte pola mozidade ou o seu compromiso coa reforma do Estatuto.

A día de hoxe o BNG é novamente a mellor opción para gobernar o país, eu creo que o é e creo que non podemos deixar pasar outro tren, Galiza non pode aguantar outros catro anos máis de goberno Fraga.

Pero aínda que o BNG parta como mellor opción, para que logre o goberno da Xunta ten que ter o maoir número de apoios posibél.

O cambio de goberno que Galiza precisa depende de nós.

Voltar a novas

Ver anteriores