|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Verquidos
ao Miño outra vez
Redacción
01 de marzo 2006
O sábado
pasado, un novo vertido foi detectado no río Miño
procedente (segundo confirmación da propria policia local
na prensa) do colector de augas pluviais da zona de Carrefour.
Aínda que nesta
ocasión o vertido non chegou á magnitude de ocasións
anteriores, trátase de vertidos reincidentes que non poden
quedar sen investigar a fondo para, por unha parte, sancionar a
infracción no seu grado máximo e, por outra, obrigar
ao infractor a tomar todas as medidas necesarias para impedir
novos vertidos ao río.
Na
opinión de ADEGA,
tanto, por parte das autoridades locais, como da Inspección
autonómica e da Confederación Hidrográfica
debese levar a cabo unha investigación exhaustiva destes
vertidos con vistas a determinar, con
total seguridade, as causas, as responsabilidades e
os responsábeis dos mesmos para, en consecuencia, propoñer
cantas medidas tendentes a evitalos sexan necesarias.
Esta
reiteración de vertidos ao Miño tén que
servir, por outra parte, para reflexionar sobre a idoneidade desta
instalación nas beiras do río, tanto por ocupar unha
zona que, dende o principio, debera de haber estado incluída
(como zona verde que era) dentro da zona do Plan Especial de
Protección do Río Miño (no Plan de Urbanismo
actualmente en tramitación tén o goberno municipal a
ocasión de recuperar a recalificación destas beiras
do río como zona verde a incluir dentro do PEPRIM), como
polo mái elevado risco de vetido e de contaminación.
Tamén debera de servir esta reiteración de vertidos
ao Miño para que a Confederación Hidrográfica,
as autoridades locais e máis a Consellería de Meio
Ambiente empecen por impedir a ubicación dentro deste
recinto comercial desa gasolineira que actualmente está en
tramitación a solicitude de Carrefour: por estas razóns
de índole ambiental, pero tamén por razóns de
seguridade nunha área de gran afluencia de
visitantes.
Voltar
a novas
Ver
anteriores
|
|