|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
Plataforma Palestina Ahora reclama a Suspensión do
Acordo de Asociación entre a UE e Israel
Redacción
01 de febreiro 2006
Mentres
os Gobernos europeos definen a súa posición sobre o
futuro Goberno palestino, Israel segue construíndo colonias
en terra palestina, o Muro avanza e, anúnciase, a
apropiación de recursos económicpos propiedade da
autoridade palestina.
A
Plataforma Palestina Ahora reclama ao Goberno español
que ante eses atropelos reais, visíbeis e confirmados, como
o revela o Informe da Misión en Xerusalén Oriental,
efectuado polo Corpo diplomático europeu, reclame do resto
dos países europeus a suspensión do Acordo de
Asociación entre a Unión Europea e Israel ao
vulnerarse o artigo 2 de devandito Acordo.
Ademais, e
seguindo o Código de Conduta suspéndase calquera
intercambio de armas por ser Israel un país invasor.
Por
outra banda, a Plataforma Palestina Ahora cre
desafortunadas as ameazas que está recibindo o pobo
palestino antes e logo das eleccións que houbo lugar en
parte da Palestina ocupada.
Considera que o pobo palestino
fixo un exercicio democrático, malia as restricións
impostas pola potencia ocupante, tanto en Xerusalén, como
no uso dos múltiples controis e a imposibilidade de que a
Autoridade Palestina puidese ter soberania en partes da Palestina
ocupada pola penetración en Cisxordania do Muro,
construción que a Asemblea das Nacións Unidas e a
Corte Internacional de Xustiza reclaman que se derribe e que a
comunidade Internacional ten que a asegurar o respecto de Israel á
lexislación internacional humanitaria como está
expresado na IV Convención de Xenebra.
Considera que
a comunidade Internacional, a Unión Europea, incluíndo
o Estado español, debe redoblar esforzos para facer que
Israel cumpra as múltiples resolucións e o dereito
internacional e cese a ocupación, cuestión que é
o fondo do problema da inestabilidade da rexión e do
sufrimento do pobo palestino.
Reclama que se intensifique a
axuda ao pobo palestino e que se esixan reparacións a
Israel pola infraestructura e bens doados polos países
europeus ao pobo palestino e que foron periódicamente
destruídos pola potencia ocupante.
Fonte:
Rebelión.
Voltar
a ArroutadaInternacional
Ir
a Novas
Ver
anteriores
|
|