Novas

*Completada a tradución do Gmail ao galego


Redacción 27 de marzo de 2007 Despois de que onte alertáramos do retraso na tradución do Gmail (o servizo de correo electrónico de Google) as e os internautas galegos puxéronse a traballar e remataron coa tradución. Agora só falta revisar os erros e que Google lle de o visto e prace á tradución.

Desde ArroutadaNoticias.com quermos que o Gmail -así coma todos os produtos Google- estexan canto antes en galego polo que estamos "petando en todas as portas" para acelerar o proceso. Enviámoslle un correo a mancomun.org solicitándolle que se encargaran da revisión e corrección desta tradución, pois como xa comentábamos onte as incongruencias e os erros ortográficos son numerosos.

Se queres colaborar nesta corrección recomendámosche que contactes con mancomun.org (softwarelibre@cesga.es). Tamén podes enviarlle un correo ao servizo de traducións de Google (translation-services@google.com) pedíndolle que habiliten a tradución.

O enderezo onde se fan as traducións de Google é o seguinte: https://services.google.com/tcbin/tc.py (tes que ter unha conta en Google para acceder) alí atoparas outros produtos de Google aínda en fase de tradución como o Google Groups, Orku, Picasa2... tamén desde alí podes acceder ás traducións xa feitas para correxilas.

Agradecemos a toda a comunidade internauta que difundiu a información publicada onte e que seguro que fixo posíbel e fará que pronto disfrutemos do Gmail e de outros produtos Google en galego. En especial a codigocero.com, ciberirmandade.org, mancomun.org, chuza.org e ao foro deste casa.

Voltar á Portada
Ver anteriores