Contacto
*ADENCO celebrou o Día da Árbore descubrindo as árbores do Xardín do Concello de Ponteareas
· Realizouse unha visita guiada para coñecer as especies que medran no Xardín
Redacción 03 de maio de 2007 O pasado sábado 28 de Abril, o Grupo Ecoloxista Adenco celebrou a 18ª edición do Día da Árbore. Así, de xeito ininterrumpido, os ecoloxistas levan celebrando esta actividade dende 1990.
Este ano a actividade consistiu nunha visita guiada ao Xardín do Concello de Ponteareas, durante a que o guía da mesma, o Técnico en Recursos Naturais e Paisaxísticos, David Castro, foi identificando cada unha das especies e comentando as súas principais características, ao tempo que amosaba a maneira de distinguir unhas especies doutras.
No Xardín do Concello de Ponteareas destacan os teixos, unha árbore que podre medrar máis de mil anos, varias clases de cipreses, magnolias e magnolios e cedros. Tamén medra no xardín unha rara especie de cerdeira, xunto ás palmeiras e palmitos.
A actividade foi todo un descubrimento para a xente que pasa todos os días por debaixo destas árbores sen darse conta en moitos casos da súa singularidade.
Voltar á Portada
Ver anteriores
