Novas

*Un “Indie” en Arousa
• O Festival do Norte arranca o próximo sábado 1 de Maio a súa novena edición
• Os días 1 e 2 de maio desfilarán por Vilagarcía as bandas máis importantes do panorama independente

Publicidade:

Redacción 25 de abril de 2009 Foron anos aqueles nos que no Festival do Norte mesturábanse en sucesivas edicións Enrique Bunbury con Orishas ou Manu Chao, edicións nas que o Festival parecía máis ben “Desnortado” con ansias de encher de nomes importantes o cartel para atraer a xentes desorientadas…

Iso acabouse hai algúns anos e con esta edición o Festival rematará de consolidarse coma referente entre ese público chamado “Indie”. A partir do próximo venres 1 de maio, Zapas Converse, jeans axustados, cabelos estratexicamente despeiteados e moito Inditex aparecerán pola vila arousá, pero sobor de todo, Música da boa.

Por falar dalgún dos grupos máis destacados quedámonos con varias recomendacións: Russian Red, Vetusta Morla e Delorean.

O proxecto de Lourdes Hernández, Russian Red, é, sen dúbidas, un dos fenómenos musicais do ano, máis de 2 millóns de reproducións no seu MySpace, máis discos vendidos do seu primeiro álbum que Gun´s and Roses ou Madonna no Estado español durante 2008 e, por enriba de todo, a súa voz, o seu estilo e a súa proposta “diferente” fan que sexa unha das apostas seguras do festival.

Trátase dos dous fenómenos independentes musicais do ano. Vetusta Morla banda xa mítica e mística entre o público alternativo con nove anos de música en directo e un único álbum publicado “oficialmente” no mercado de título Un día en el mundo. Presidirá o escenario o sábado a partir das 00:15 para dar logo paso o peche rockeiro do festival; os agardados Delorean.

A partir do venres as cinco e media da tarde comeza a edición 2009 do Festival, que este ano parece que adapta tamén os prezos a situación de crise. O abono para os dous días ten un custo de 25 € e pódese adquirir na web Servinova ou en Tick Tack Tiket.

Horarios:
(ligazóns en castelán)

Consulta os horarios na páxina oficial do Festival: www.festivaldonorte.com/horarios
Máis info: www.festivaldonorte.com

Voltar á Portada
Ver anteriores