Cociña Arroutada!

*Chícharos con xamón
(12/03/2007) :: Descargar receita en pdf ::

Ingredientes:

Para catro persoas:

· ½ Kg. de chícharos
· 200 g. de xamón curado
· 1 cebola
· perexil
· 1 culleradiña de fariña
· aceite de oliva
· auga
· sal

Tempo de elaboración: 15 minutos se usas chícharos cocidos, 45-50 se os usas frescos.

Preparación:

Nunha cazola con aceite refoga a cebola picada xunto co xamón.
A continuación engade os chícharos e saltea o conxunto. Engade a fariña e molla con auga ou caldo.

Dá un fervor (até que os chícharos estean cocidos, ou até que quezan se son xa cocidos) co fin de que se mesturen os sabores e proba de sal.

Finalmente serve na mesa nunha prata ou cazola baixa. Bota o perexil picado por riba.

Bo proveito.



Voltar á Cociña Arroutada!
Ir á Portada