*A policia fai estourar un artefacto en Compostela
Redacción, 23 de xullo 2005. Ao redor das 15:45 h da tarde de hoxe a policia procedeu a realizar unha explosión controlada dun artefacto colocado aparentemente nos caixeiros de Caixa Galicia situados na Praza de Galiza da capital compostelá, despois de seren desaloxados os veciños e os comercios dos arredores da Praza a partir das 15:00 h. Pese a que a policia non facilita aínda información todo indica a que podería haber xa unha persoa detida.
Afortunadamente non hai ningunha persoa ferida.

*Quintana di que a asinatura do acordo co PSdG é o “primeiro paso” da rexeneración democrática e dará lugar a un executivo “que aprofundará no autogoberno”
Redacción, 23 de xullo 2005. “Este será o Goberno da cidadanía, da transparencia e da participación cidadá”. O portavoz nacional do BNG, Anxo Quintana, afirmou esta mañá que a asinatura do acordo de Goberno co PSdeG-PSOE significa “o primeiro paso” da rexeneración democrática pola que votaron maioritariamente os galegos e as galegas o pasado 19 de Xuño...[ler máis]

*Homenaxe a Rosalía e Castelao
Redacción, 23 de xullo 2005. Galiza Nova, a organización xuvenil do BNG, vai celebrar mañá sábado 24 de Xullo, e dentro dos actos organizados arredor do Día da Patria Galega 05, unha Homenaxe a Rosalía e a Castelao. Será o 24 de Xullo ás 12.30 horas no Parque de San Domingos de Bonaval, Santiago de Compostela. Na homenaxe falarán Xosé Emilio Vicente, secretario xeral de Galiza Nova; Uxío Breogán Diéguez, directivo da Fundación Alexandre Bóveda; Francisco Rodríguez, portavoz do BNG no Congreso dos Deputados.

*Divertirse coa Galiza aberta ao mundo
Redacción, 23 de xullo 2005. Tres días de concertos durante os que desfrutar da riqueza das músicas do mundo; 48 horas para debater e admirar a creatividade da sociedade galega. Unha cita imprescindíbel no Día da Patria. Un 25 de Xullo alternativo para quen busca diversión e compromiso nas festas da capital de Galiza. Chega o Festigal 2005...[ler máis]

*A Mesa denuncia a “arbitrariedade” da concesión da licenza de TDT á Cadea Cope e considera que tal decisión supón “un duro golpe para a lingua galega”
Redacción, 23 de xullo 2005. A Mesa pola Normalización Lingüística critica que non se atendese ao nivel de uso do galego á hora de conceder as licenzas de TDT. Esta asociación considera “arbitraria” a decisión do Goberno en funcións favorábel á Cadea Cope, pois na práctica significa que esa non será unha cadea de televisión privada galega, senón a sucursal dunha televisión de ámbito estatal...[ler máis]

*O Consello Nacional do BNG ratifica por unanimidade o acordo para a formación do goberno bipartito
Redacción, 23 de xullo 2005. O Consello Nacional do BNG amostrou a súa satisfacción polo contido das bases programáticas que sustentarán tal acordo e en particular polo feito de que Galiza vaia contar apartir de agora cun Goberno que recoñoce a súa condición nacional...[ler máis]

*Quintana pídelle ao PP “que saia do seu silencio” e se comprometa a traballar por un novo estatuto para Galiza sen “escoitar os ditados de Madrid”
Redacción, 21 de xullo 2005. O portavoz nacional do BNG, Anxo Quintana, pediulle este serán ao PP que “saia do seu silencio” e se “comprometa a traballar coas outras forzas políticas para dotar a Galiza dun Novo Estatuto”. “Queremos un Novo Estatuto sen exclusións e queremos tamén integrar ao PP nos traballos. O PP debe comprometerse a traballar con nós na redacción dunha nova carta de direitos para os galegos e as galegas. Pero para facelo, debe deixar de escoitar os ditados de Madrid”, afirmou o líder do BNG...[ler máis]

*Acusan a EEUU, de ser o autor dun atentado en Iraq
Redacción, 21 de xullo 2005. Fontes iraquíes informaron que o carro bomba que estoupou o mércores pasado no cal morreron uns 32 nenos non foi unha acción da resistencia iraquí senon das tropas de ocupación dos EEUU...[ler máis]

Voltar a novas

Ver anteriores