*Outra Europa é posíbel, Holanda tamén di NON!
Redacción, 2 de xuño 2005. Novamente a cidadanía europea di NON ao Tratado. Desta vez foi Holanda quen falou e falou por unha outra Europa, votando NON ao Tratado. Cando os galegos e as galegas tivemos ocasión de pronunciarnos sobre o Tratado europeo, aqueles que optamos polo NON, fomos tratados de “anti-europeos”, e de estar “fora da realidade”. Entón Franza e Holanda son “anti-europeos”´?, están “fora da realidade”?. O que pasa qeu aqui o PSOE e o PP tiñan outros intereses que son claramente diferentes aos dos e das cidadáns e cidadás de Europa.
*Quintana ve no “NON” francés unha espléndida oportunidade para construír europa desde os pobos e os cidadáns e non desde os estados e o mercado
*Estrepitoso fracaso do Psoe no referendum
*O Tratado polo que se estabelece unha constitución para Europa, da carta branca á pena de morte
*Galiza Nova continúa a súa intensa campaña informativa contra o Tratado C. Europeu

*Quintana ve no “NON” francés unha espléndida oportunidade para construír europa desde os pobos e os cidadáns e non desde os estados e o mercado
Redacción, 2 de xuño 2005. O portavoz nacional do BNG e candidato á presidencia da Xunta, Anxo Quintana, valorou o resultado do referendo en Francia asegurando que “non hai que vivilo como un problema senón como unha espléndida oportunidade”. A xuízo do líder nacionalista, son millóns os cidadáns europeos “os que consideramos que a construción da UE se pode facer doutro xeito, pensando máis nos pobos e nos cidadáns e menos nos estados e nos mercados”...[ler máis]

*A Mesa avalía nunha campaña os resultados negativos para a lingua galega que tiveron os gobernos de Manuel Fraga
Redacción, 2 de xuño 2005. Recordan que durante os mandatos de Fraga Iribarne se produciu a maior perda de falantes da historia do galego.Neste período, Cataluña e Euskadi duplicaron o número de falantes das súas linguas propias. En Galiza DUPLICOUSE A PERDA de galego-falantes...[ler máis]

*O BNG condena enerxicamente o lanzamento de cócteles molotov sobre as sedes do PP e do PSOE e di que constitúen unha grave ofensa ao conxunto do pobo galego
Redacción, 2 de xuño 2005. A Executiva Nacional do Bloque Nacionalista Galego quer condenar enerxicamente o lanzamento de cócteles molotov sobre as sedes do PP en Ordes e do PSOE en Ourense. Para o BNG, estes actos constitúen unha grave ofensa ao conxunto do pobo galego xusto no momento en que a sociedade se dispón a elexer aos seus lexítimos representantes...[ler máis]

*Quintana acusa a PP e a PSOE de protagonizar unha “indecente batalla por ver quen se fai coa saca de votos dos emigrantes en Barajas”
Redacción, 2 de xuño 2005. O candidato do BNG reúnese co presidente uruguaio Tabaré Vázquez, a quen trasladou as propostas nacionalistas para mellorar a calidade de vida da colonia galega. A batalla abochorna a “calquer demócrata minimamente consciente”, sobre todo despois de que “uns e outros” rexeitasen modificar a lei eleitoral para garantir que os galegos na diáspora voten o 19 de Xuño coa mesma transparencia e garantías democráticas dos residentes en Galiza”. A actitude de ambos partidos é para Quintana unha “falla de respecto cos emigrantes e unha ofensa ao conxunto da cidadanía galega”...[ler máis]

*Apresentación do cd Froita Madura en Barcelona
Redacción, 2 de xuño 2005. O pasado domingo, 29 de maio, tivo lugar no Centro Galego de Barcelona (CGB) a presentación do CD “Froita Madura” recentemente gravado polo Coro Lonxe da Terra. A mesa de presentación estivo constituída polos Señores, Luis Lamas, Presidente do CGB; César del Caño, director do coro; Xosé Aviñoa, catedrático de Musicoloxía da UB, e Basilio Losada, catedrático de Filoloxías Galega e portuguesa da UB...[ler máis]

*Quintana afirma en Montevideo que Fraga e Rajoy atacan ao BNG porque son conscientes de que será o nacionalismo quen faga perder a maioría ao PP en Galiza
Redacción, 2 de xuño 2005. Nun mítin no Teatro Bambalinas de Bos Aires, Quintana reivindica para o BNG o legado político do Partido Galeguista: “Castelao sabía que Galiza precisaba de forzas políticas proprias para ter futuro”.
O candidato do BNG á presidencia do Goberno galego, Anxo Quintana, salientou en declaracións aos xornalistas á súa chegada a Montevideo que as críticas de Manuel Fraga e Mariano Rajoy á formación nacionalista obedecen “a que están obsesionados con nós e están obsesionados con nós porque saben que seremos nós, co noso avanzo eleitoral, os que retiremos a Fraga do poder. Nós, co noso avanzo eleitoral, seremos os que faremos perder ao PP a súa maioría absoluta”...[ler máis]

*Quintana anuncia en Bos Aires que como Presidente se compromete a conseguir que os emigrantes galegos no exterior voten en urna e coas garantías que existen no País
Redacción, 2 de xuño 2005. Acusa a Fraga de vir a América a desenvolver unha campaña mentireira ofrecendo emprego para os fillos dos emigrantes mentres os mozos galegos teñen que saír buscar traballo fóra. O portavoz nacional do BNG e candidato á presidencia da Xunta, Anxo Quintana, proclamou o seu compromiso para asegurar que os emigrantes poidan exercer o seu voto nas mesmas condicións das que disfrutan os galegos do interior, polo que impulsará a reforma da lei eleitoral...[ler máis]

Voltar a novas

Ver anteriores

Movete polo novo Estatuto para Galiza. Asina!

Participa! Desta volta gañamos nós!!!!

Colabora coa Mesa, clica embaixo e axúdanos a galeguizar os bancos e caixas de aforros!