ArroutadaNoticias.com, as novas galegas na rede!

Novas

Galiza, 7 de xullo de 2010

*As Sociedades de Fomento Forestal (SOFOR): nin eficientes, nin rendíbeis
Redacción 7 de xullo de 2010 A Consellaría do Medio Rural vén de presentar o pasado 5 de xullo unha nova figura societaria para a xestión conxunta das propiedades privadas forestais, as Sociedades de Fomento Forestal (SOFOR). Diante da idea exposta a Asociación Montes da Galiza (MONTEGAL), integrada na Federación Rural Galega (FRUGA) realiza as seguintes consideracións:
1.- Logo dunha parálise de case ano e medio dos procesos de agrupación da propiedade do monte encetados durante a lexislatura anterior...[ler máis]

Publicidade:

En destaque

Cociña Freixós (Filloas de leite) (26/06/2007) Cinema Zodiac (15/06/2007)

Opinión

Vida!!! Un artigo de Fernán Xosé Mourenza Fernández (09/09/09) Empecer… empezamos Un artigo de Xoán Costa Casas (30/03/2009) Entender Un artigo de Silvio Falcón Rodríguez (02/02/2008) Discursos Un artigo de Xabier Pérez Igrexas (05/01/2008) A liberdade dos de arriba Un artigo de Francisco Xosé Rei García (30/11/2007) A cooperación interinstitucional polo galego-berciano Un artigo de Xabier Lago Mestre, Presidente da Asociación Cultural Fala Ceibe do Bierzo (02/10/2007) O livre comércio de armas de fogo Un artigo de José Ramon Flores d'as Seixas (23/04/2007) A falsa dialectica entre esquerda e dereita Un artigo de Adela Figueroa Panisse (05/04/2007) Subvencionando a deslocalización de Atento-Telefónica Un artigo de Clodomiro Montero Martínez , Secretario Nacional da CIG da Federación Telemárketing (14/03/2007) A cidade na que nada funciona Un artigo de Diego Marcos Ramas (12/03/2007) Ata nunca Augusto Xeneral!!! Un artigo de Ana Patricia Vigo Fernández (26/02/2007) Aqui falamos tod@s! 17 abril do 2007 Un artigo de Victoria Díaz Cabanela (04/04/2007)

*Franco aínda é Alcalde Honorario de Lugo
• O BNG esixe que se lle retire ao ditador a máis alta distinción municipal, como fixeron moitos outros Concellos do Estado e outras institucións como a Deputación de Lugo e a Universidade de Santiago
• O voceiro do BNG, Xosé Anxo Laxe, lembra que unha moción aprobada por maioría no Pleno en abril de 2006 a iniciativa do BNG obriga ao Concello a retirarlle ao dictador esta condecoración que o Goberno local non executou aínda a día de hoxe e acusa a Orozco de non ter interese ningún en acabar con este “anacronismo antidemocrático”.
• “É como se hoxe en día Hitler seguise a ser alcalde honorario de Berlín”, comparou Laxe
Redacción 23 de novembro de 2009 O grupo municipal do BNG denunciou, no 34 cabodano da morte de Franco -20.11.1975-, que o ditador segue a ser alcalde honorario de Lugo. O BNG explica que o Goberno de Orozco segue sen executar a moción aprobada en Pleno no mes de abril de 2006, a iniciativa do BNG, para retirarlle ao ditador a máis alta distinción do Concello de Lugo, concedida no ano 1942. ...[ler máis]

*A Xunta está a “desafiar o Consello de Europa”, ao incumprir “unha por unha todas as recomendacións sobre o galego no ensino que realizou este organismo”
• A Mesa lamenta o “desafío do PP ao Consello de Europa e aos tratados internacionais sobre dereitos lingüísticos” e reclama “o reingreso da Xunta na legalidade do Estatuto e na legalidade internacional”
• O Consello de Europa emitiu un ditame hai seis meses no cal eloxiaba as Galescolas, respaldaba o decreto do 50% do ensino en galego e propuña melloras que o PP está a desouvir
Redacción 02 de xullo de 2009 A Mesa pola Normalización Lingüística advirte de que, coas súas decisións de atacar a lingua propia de Galiza, a Xunta presidida por Alberto Núñez Feijóo está a desafiar o Consello de Europa. Este organismo internacional emitiu un contundente ditame hai seis meses no cal sinalaba unha serie de medidas para a nosa lingua que non só non están a ser adoptadas, senón que desde o actual Goberno galego se está a destruír todo o que o Consello avaliara positivamente...[ler máis]

*Os soños que volven, novo disco de Susana Seivane
Redacción 02 de xullo de 2009 Susana Seivane presentou hoxe o seu cuarto traballo discográfico, Os soños que volven, no Obradoiro de Gaitas da súa familia en Cecebre, Cambre. Despois dunha breve e simpática introducción a cargo do dúo humorístico As Cantareiras de Ardebullo, Susana falou dos pormenores deste novo CD que sairá ao mercado o vindeiro luns día 6 de xullo. ...[ler máis]

Publicidade:

*Un “Indie” en Arousa
• O Festival do Norte arranca o próximo sábado 1 de Maio a súa novena edición
• Os días 1 e 2 de maio desfilarán por Vilagarcía as bandas máis importantes do panorama independente
Redacción 01 de abril de 2009 Foron anos aqueles nos que no Festival do Norte mesturábanse en sucesivas edicións Enrique Bunbury con Orishas ou Manu Chao, edicións nas que o Festival parecía máis ben “Desnortado” con ansias de encher de nomes importantes o cartel para atraer a xentes desorientadas... Iso acabouse hai algúns anos e con esta edición o Festival rematará de consolidarse coma referente entre ese público chamado “Indie” ...[ler máis]

*500 persoas concéntranse diante do Parlamento para lembrar aos deputados o seu deber de promoveren o galego
• Convocado pola Mesa pola Normalización tamén se sumaron CIG-Ensino, Galiza Nova, Comités e CNT a este acto simbólico fronte ao Parlamento no que se defendeu o dereito ao ensino en galego
Redacción 01 de abril de 2009 Arredor de cincocentas persoas, segundo os convocantes, concentráronse esta mañá fronte ao Parlamento de Galiza, en Santiago de Compostela, para recordarlles ás novas deputadas e deputados o seu deber estatutario de potenciaren o emprego do galego e de desenvolveren o estabelecido por acordos unánimes da propia Cámara que seguen sen se aplicar. ...[ler máis]

*A sociedade galega prepara a resposta aos plans conta o galego do PP
• O PP continúa na súa teima contra o galego e xa fala de derrogar a Lei de Normalización Lingüística
Redacción 10 de marzo de 2009 Máis de 100 entidades de diverso tipo reuníronse onte en Compostela para intercambiar perspectivas e ideas de cara á manifestación nacional do 17 de maio na defensa do galego. Francisco Jorquera fala "de política de guetos que pretende eliminar o galego das cidades e confinar ao galego a unha situación de absoluta marxinalidade social”...[ler máis]

*2009: Ano Internacional da Aprendizaxe dos Dereitos Humanos
• As Nacións Unidas dedican todo o ano 2009 a aprendizaxe dos Dereitos Humanos
Redacción 03 de xaneiro de 2009 Mentres continúa a masacre sionista en Gaza, diante da insoportable parálise da comunidade internacional, vendo como se vulneran sistematicamente os dereitos humanos máis elementais, Nacións Unidas, por medio da súa Alta Comisionada, Navi Pillay, ven de dedicar -todo o ano 2009- á aprendizaxe deses dereitos, unha iniciativa máis de conmemoración do 60 Aniversario da Declaración de 1948....[ler máis]

*Galiza subcampioa do Mundo de Futsal Feminino
• As galegas perden 4 a 0 contra as anfitrioas nun partido que dominaron dende o comezo
Redacción 05 de outubro de 2008 Galiza proclámase subcampioa do mundo de futsal feminino ao perder na final 4 a 0 contra Cataluña. A pesares do enorme esforzo das xogadoras galegas en todo o campionato a vitoria na final non puido ser...[ler máis]

*Galiza chega á final do Campionato do Mundo de Fútbol Sala Feminino tras eliminar a Colombia nos penaltis
• Cataluña é a outra finalista tras eliminar a Rusia 3 a 2
• O partido será retrasnsmitido pola TVG e a TV3 hoxe ás 17:00 h.
Redacción 05 de outubro de 2008 O I Mundial de Futsal Feminino, que se está a disputar en Reus, xa ten finalistas, Galiza e Cataluña. Houbo que sufrir e moito, pero a selección galega de fútbol sala feminina logrou clasificarse tras derrotar nos penaltis a Colombia. O partido será retrasnsmitido en directo pola TVG e a TV3 hoxe ás 17:00 h...[ler máis]

*Galiza enfrontarase a Rusia e Brasil no Campionato do Mundo de Fútbol Sala Feminino
• A equipa galega, que debutará no mes de setembro en Reus, forma parte do peor grupo, segundo indicou o seleccionador eduardo Lago
Redacción 09 de xullo de 2008 Galiza debutará no mes de setembro no Campionato do Mundo de Fútbol Sala Feminino, que se disputará en Reus, organizado pola Asociación Mundial de Futsala (AMF). Hoxe tivo lugar o acto de presentación da equipa, no que xa se deu a coñecer o calendario do Mundial, e no que Galiza forma parte do grupo A, xunto a Rusia e Brasil...[ler máis]

*Quintana di en Lugo que o BNG está por definición en contra de excluír a ninguén: “nen gostamos do veto ao novo Estatuto nen gostamos do veto á unidade das forzas políticas sobre o AVE”
Redacción 09 de xullo de 2008 O portavoz nacional do BNG, Anxo Quintana, dixo este serán en Lugo que os nacionalistas galegos “estamos por definición en contra dos vetos”. “Nen gostamos no seu día do veto que se interpuxo ao Novo Estatuto de Galiza”, afirmou en alusión ao PP, “nen gostamos do veto que agora algúns parecen querer interpor á necesaria unidade das forzas políticas galegas para fiscalizar as obras do AVE”...[ler máis]

*Medio Rural, Traballo Penitenciario e a Fundación Érguete colaboran por terceiro ano na contratación de persoal recluso para traballos de prevención de incendios forestais
Redacción 09 de xullo de 2008 O conselleiro do Medio Rural, Alfredo Suárez Canal, e a presidenta da Fundación Érguete-Integración, Carmen Avendaño Otero asinaron hoxe o convenio de colaboración para contribuír á reinserción social de reclusos e que facilitará a formación de novos traballadores e traballadoras en labores de prevención de incendios forestais....[ler máis]

*450 entidades secundan xa a mobilización 'Polo dereito a vivirmos en galego' do vindeiro 18 de maio
Redacción 17 de maio de 2008 Son xa 450 as entidades de diferente tipo que subscriben o manifesto “Polo dereito a vivirmos en galego”, no cal se convoca ao conxunto da sociedade a mobilizarse en defensa do idioma do país o próximo domingo 18 de maio en Santiago de Compostela. A Mesa chama a que “nas rúas de Santiago se dea cita unha marea cívica contundente que reclame o dereito elemental a poder expresarse e recibir información en galego en todos os ámbitos da vida”....[ler máis]

*A Xustiza continúa a vulnerar os dereitos lingüísticos dos galegos e galegas no canto de defendelos
• Tan só o oito por cento das sentenzas están no noso idioma, a pesar das recomendacións do Consello de Europa en 2005
• As reivindicacións para o ámbito da xustiza estarán presentes na manifestación do 18 de maio “Polo dereito a vivirmos en galego”
Redacción 15 de abril de 2008 A escolla persoal de empregar a lingua galega no eido da Xustiza supón sempre unha dilación das causas para os cidadáns e un duplo esforzo para os funcionarios. Así se indica no relatorio elaborado polo Observatorio de Dereitos Lingüísticos da Mesa pola Normalización Lingüística, presentado esta mañá en Santiago de Compostela. Todas as demandas para aumentar o uso do galego neste campo e “garantir os dereitos lingüísticos de todas e todos perante a Administración de Xustiza” estarán presentes na manifestación do 18 de maio “Polo dereito a vivirmos en galego”...[ler máis]

*Galiza e Portugal buscan financiamento europeo para proxectos comúns de cultura, deporte tradicional e patrimonio
Redacción 15 de abril de 2008 Galiza e Portugal queren abrir novos frontes de colaboración nos eidos da cultura, o deporte e o patrimonio. A Consellaría de Cultura e Deporte en colaboración con tres departamentos da administración portuguesa presenta como xefe de fila tres proxectos ao Programa de Cooperación Transfronteiriza Interreg IV A, centrados na potenciación das industrias culturais, os deportes tradicionais e o patrimonio arqueolóxico. Ademais é socio dun cuarto proxecto encabezado pola Dirección Rexional de Cultura do Norte de Portugal sobre fortalezas e estruturas defensivas...[ler máis]

*ATESGA denuncia a “persecución” dos axentes da DXT aos técnicos de ambulancias
• A Garda Civil procedeu nos últimos días a identificar condutores que circulaban en servizo de urxencia
Redacción 15 de abril de 2008 A Asociación de Técnicos en Emerxencias Sanitarias de Galiza (ATESGA) quere denunciar que, lonxe de solventarse os problemas relacionados coas sancións impostas a técnicos de emerxencias no exercicio da súa profesión, a Garda Civil de Tráfico iniciou o que ATESGA considera “unha campaña de acoso e persecución aos profesionais das ambulancias”, empregando vehículos camuflados...[ler máis]

*GalizaBanner alíase con Planeta para reforzar a comercialización das webs galegas
• Planeta Ad Network distribuirá campañas nacionais na rede de soportes GalizaBanner
• O acordo garántelles prezos e volume de negocio aos soportes da rede
Redacción 15 de abril de 2008 A axencia de medios interactivos Elogia Media e Planeta Ad Network (PAN), a rede de venda publicitaria online do Grupo Planeta, asinaron un acordo de colaboración para comercializar a nivel estatal a rede de soportes exclusivistas GalizaBanner. Con este convenio, Planeta Ad Network comprométese a cubrir a metade das impresións das webs de GalizaBanner con campañas publicitarias de ámbito estatal, mentres que a outra metade seguirán sendo cubertas con campañas de ámbito galego...[ler máis]

*A Mesa chama á sociedade galega a mobilizarse masivamente “polo dereito a vivirmos en galego”
• A asociación reclama que se cumpra a lexislación lingüística e que a “única lingua propia” de Galiza sexa “oficial na realidade e non só no papel”
Redacción 25 de marzo de 2008 A Mesa pola Normalización Lingüística chamou onte á sociedade galega a mobilizarse masivamente “Polo dereito a vivirmos en galego”, lema que encabezará a manifestación que a asociación en defensa da lingua convoca para o vindeiro 18 de maio en Santiago de Compostela ...[ler máis]

*A Executiva Nacional do BNG apoia as demandas dos produtores de leite de Galiza
• O órgano executivo do BNG lamenta que a administración do Estado non acompañe as políticas “positivas cara o sector” impulsadas pola Consellaría de Medio Rural
• Os nacionalistas galegos lamentan que o Ministerio de Agricultura apoiase en Bruxelas o incremento liñal da cota desouvindo as demandas do sector leiteiro galego
Redacción 17 de marzo de 2008 A Executiva Nacional do BNG quere expresar o seu apoio ás demandas dos produtores de leite de Galiza fronte as prácticas abusivas das industrias leiteiras cos seus centros de decisión en Madrid. Así mesmo o BNG lamenta que outras administracións non acompañen as políticas positivas cara o sector impulsadas pola Consellaría do Medio Rural. ...[ler máis]

Publicidade:

Voltar arriba
Ver anteriores